Узган ял көннәрендә Дәүләт Советы депутатлары республиканың муниципаль районнарында узган Сабантуйларда катнашты. Сайлау округларында парламентарийлар халык белән очрашып, авыл халкын чәчү эшләре тәмамлану белән котладылар, мул уңыш, сәламәтлек һәм иминлек теләделәр. 

6 июньдә Дәүләт корылышы һәм җирле үзидарә комитеты рәисе Альберт Хәбибуллин Актаныш районында Сабантуйда катнашты. Мәйданда игенчеләрне, авыл хуҗалыгы алдынгыларын котладылар. Шулай ук махсус хәрби операциядә һәлак булган Айназ Бакировны искә алдылар.  Аның гаиләсенә Дәүләт бүләге – үлгәннән соң бирелгән Батырлык ордены тапшырылды. Бүләкне Геройның гаиләсенә Дәүләт Советы депутаты Альберт Хәбибуллин һәм Актаныш районы башлыгы Ленар Зарипов тапшырды.

6 июньдә Экология, табигатьтән файдалану, агросәнәгать һәм азык-төлек сәясәте комитеты рәисе Азат Хамаев Минзәлә районында Сабантуйда булды. Бәйрәм мәйданында Бөек татар шагыйре Габдулла Тукайның тууына 140 ел тулуга багышланган театральләштерелгән музыкаль тамашалар күрсәтелде, шулай ук Сабир Өметбаев исемендәге Минзәлә дәүләт татар драма театры һәм районның үзешчән иҗат коллективлары  чыгыш ясады. Азат Хамаев район халкын һәм кунакларны бәйрәм белән котлады, һәр гаиләгә аяз күк йөзе һәм иминлек теләде.

6-7 июньдә Торак сәясәте һәм инфраструктура үсеше комитеты рәисе урынбасары Ринат Гайзатуллин Буа һәм Чүпрәле районнарында Сабантуйда кунакта булды. Депутат республика һәм парламент җитәкчелеге исеменнән кунакларны Сабан бәйрәме белән котлады, мул уңыш һәм яхшы һава торышы теләде. Ринат Гайзатуллин хезмәт эшчәнлегенең төрле өлкәләрендә уңышларга ирешкән район алдынгыларына дәүләт бүләкләре тапшырды. 

6 июньдә Законлылык һәм хокук тәртибе комитеты рәисе урынбасары Ринат Фазылов Зәй районында Сабантуйда катнашты. Депутат район халкын котлады һәм армый-талмый хезмәт иткән өчен рәхмәт белдерде. "Бәйрәм хезмәт сөючәнлеккә һәм киң күңеллелеккә өйрәтә, – диде Ринат Фазылов. – Сабантуй – безнең мәдәни кодыбыз. Россия халыклары бердәмлеге елында ул безнең көчебез бер-беребезнең мәдәниятен хөрмәт итүдә икәнлеген исбатлый. Бердәм булганда, без җиңелмәс! Бәйрәм белән!».

6 июньдә Законлылык һәм хокук тәртибе комитеты рәисе Александр Чубаров һәм Дәүләт Советы депутаты Алсу Нәбиева Әлки районында Сабантуй кунакларын котладылар.  Мәйданда авыл хуҗалыгы алдынгыларына дәүләт бүләкләре тапшырылды.  Александр Чубаров район башлыгы Александр Никошин белән бергә Рәхмәт хатларын тапшырды. Рөстәм Вәлиевкә «Әлки районының мактаулы гражданины» исемен бирү турында таныклык тапшырылды, ул күп еллар дәвамында үзенең кече Ватаны турында кайгырта һәм һәрьяклап ярдәм күрсәтә. Александр Чубаров аңа авылга ярдәм иткәне өчен рәхмәт белдерде, ә барлык район халкын республика җитәкчелеге исеменнән бәйрәм белән котлады.

6 июньдә Икътисад, инвестицияләр һәм эшкуарлык комитеты рәисе Рәгать Хөсәенов Баулы районында Сабантуйда булды. Депутат барлык район халкын һәм кунакларны халкыбызның милли бәйрәме белән котлады, авыл хезмәтчәннәренә авыр һәм мактаулы хезмәтләре өчен рәхмәт белдерде. «Минем өчен аеруча шунысы мөһим, бу көнне без үз хезмәте белән авыл хуҗалыгын үстерүгә зур өлеш кертүчеләрне хөрмәтлибез һәм район халкына җаваплылыклары, хезмәт сөючәнлекләре һәм туган җирне яратулары өчен рәхмәт белдерәбез, – дип ассызыклады Рәгать Хөсәенов. – Барыгызны да чәчү тәмамлану белән котлыйм, уңайлы һава торышы, нык сәламәтлек һәм, әлбәттә, мул уңыш телим».

6-7 июньдә Экология, табигатьтән файдалану, агросәнәгать һәм азык-төлек сәясәте комитеты рәисе урынбасары Нәҗип Хаҗипов Теләче һәм Азнакай районнарында Сабантуйда булды. Тантаналар бәйрәмнең тарихын, аның тирән тамырларын һәм татар халкы тормышындагы әһәмиятен чагылдырган матур театральләштерелгән прологтан башланды. Үзенең сәламләү сүзендә депутат татарстанлыларга ныклы сәламәтлек һәм барлык уңышлары өчен бетмәс-төкәнмәс энергия теләде.

6 июньдә Бюджет, салымнар һәм финанслар комитеты рәисе Леонид Якунин Кама Тамагы районында Сабантуйның мактаулы кунагы булды. Парламентарий район халкын бәйрәм белән котлады һәм хезмәт алдынгыларына дәүләт бүләкләре тапшырды. Дәүләт Советы Рәисенең Рәхмәт хатларына «Август – Кама Тамагы» ҖЧҖ баш бухгалтеры Энҗе Хәлилова һәм «Олы Кариле» ҖЧҖ механизаторы Марат Садриев лаек булды.

6 июньдә Бюджет, салымнар һәм финанс комитеты рәисе урынбасары Камил Ногаев Әтнә районында Сабантуйда катнашты. Депутат милли хуҗалыкларда булды, җирле коллективларның концерт мәйданчыкларын карады. Сабантуй зур театральләштерелгән тамаша белән башланып китте. Мәйданда шулай ук алдынгы авыл хуҗалыгы хезмәтчәннәрен хөрмәтләделәр. "Сабантуй – безнең традицион бәйрәмебез, ул ел саен бөтен республика буенча, Россия Федерациясе субъектларында, шулай ук чит илләрдә татарлар тупланып яши торган урыннарда уза. Күптән көтелгән вакыйга якыннарны, туганнарны һәм дусларны берләштерә»,  – диде Камил Нугаев.

6 июньдә Дәүләт Советы депутаты Мәгъсүм Сәлахов Чирмешән районы халкын һәм кунакларын Сабантуй белән котлады. Ул районның авыл хуҗалыгы, сәнәгать, төзелеш, мәгариф, сәламәтлек саклау, мәдәният өлкәләрендәге казанышларын, шулай ук чәчү кампаниясенең уңышлы тәмамлануын билгеләп үтте.

7 июньдә Икътисад, инвестицияләр һәм эшкуарлык комитеты рәисе урынбасары Марат Галиев Яңа Чишмә районында Сабантуйның мактаулы кунагы булды. Депутат район ветераннары белән очрашты, анда төзекләндерү, медицина хезмәтләреннән файдалану һәм халыкның социаль яклауга мохтаҗ төркемнәренә ярдәм итүнең актуаль проблемалары турында фикер алыштылар.   

7 июньдә Икътисад, инвестицияләр һәм эшмәкәрлек комитеты рәисе Рәгать Хөсәенов Баулы районы делегациясе белән Новосибирскида Себер Сабантуенда булдылар. Россия халыклары бердәмлеге елына һәм Новосибирск өлкәсендә урнашкан «Ихлас» тарихи мәчетенең 110 еллыгына багышланган бәйрәм меңләгән кунакларны җыйды һәм чын дуслык, гореф-гадәтләр һәм халык иҗаты бәйрәменә әверелде. Бәйрәмдә Татарстан делегациясенең катнашуы ямь өстенә ямь өстәде. Милли киемнәр киеп узган бәйрәм йөрешендә Татарстан, Новосибирск, Омск һәм Кемерово өлкәләреннән иҗат коллективлары катнашты. Халык уеннары һәм артистлар чыгышлары белән кунакларның  күңелләрен күтәрделәр. Шулай ук осталар ярминкәсе дә эшләде, анда халык һөнәрләре әйберләрен сатып алырга һәм мастер-классларда катнашырга мөмкин иде.

7 июньдә Дәүләт Советы депутаты Камил Гыйльманов Ютазы районында Сабантуйда булды. Ул җирле халыкны Татарстан Рәисе исеменнән котлады. Мәйданда кунаклар өчен бай программа әзерләнгән иде: халык уеннары, иҗат коллективлары чыгышлары, традицион сыйлар. Ат чабышы бәйрәмнә аерым бер төсмер бирде. “Бу искиткеч бәйрәмнең традицияләре кадерләп саклансын һәм буыннан-буынга тапшырылсын, халкыбызның рухи элемтәсен ныгытсын", – дип билгеләп үтте Камил Гыйльманов.

7 июньдә Дәүләт Советы депутаты Эмиль Гобәйдуллин Аксубай районы Сабантуенда катнашты. Парламентарий район җитәкчелеге белән бергә бәйрәмнең төп мәйданчыкларында булды, милли хуҗалыклар белән танышты, авыл җирлекләре вәкилләре, агросәнәгать комплексы хезмәтчәннәре, ветераннар һәм яшьләр белән очрашты. Шулай ук иң яхшы авыл хуҗалыгы хезмәткәрләре дә билгеләп үтелде. Милли көрәш һәм ат чабышлары аеруча игътибарны җәлеп итте. "Сабантуй буыннарны берләштерүче, милли традицияләрне саклаучы һәм хезмәт кешесенә хөрмәт күрсәтүче мөһим бәйрәм булып кала", – дип басым ясады депутат.