Дәүләт Советы Рәисе урынбасары, «Бердәм Россия» фракциясе җитәкчесе Юрий Камалтынов Россия Федерациясе Президентын сайлауда катнашты. Бүген ул Казанның Карл Маркс урамындагы 42 нче сайлау участогында тавыш бирде.

"Бүген илебез тормышында бик мөһим вакыйга, - дип ассызыклады Юрий Камалтынов, журналистлар белән аралашканда, - монда без үзебез, балаларыбыз өчен киләчәгебезне сайлыйбыз. Шуңа күрә һәр россияленең тавышы  мөһим. Минемчә, Казаннан, Татарстан Республикасыннан һәм бөтен ил буенча сайлаучыларның күпчелеге тавыш бирү нәтиҗәләрен алдан күрсәтәчәк, үз участокларына киләчәк».

Юрий Камалтынов әйтүенчә, сайлау кампаниясе дәвамында партия активы кешеләр белән очрашулар үткәрә, ни өчен сайлау участокларына килү мөһим икәнен аңлата. "Минемчә, без бу эшне башкардык", - диде ул.

Бүген Президент сайлауларының өченче, соңгы көне уза. Иртәнге сәгать 8дә бөтен республика буенча 2767 сайлау участогы ачылды (шул исәптән 45 вакытлыча), алар 20 сәгатькә кадәр эшен дәвам итәчәк.

Татарстанда сайлау хокукына 3 миллионга якын кеше ия. Сайлауларның икенче көне нәтиҗәләре буенча Татарстанда сайлауга килү 63,3% тәшкил итте.