Бүген Дәүләт Советы утырышында ятим балаларның һәм ата-ана тәрбиясеннән мәхрүм калган балаларның торак урынга хокукларын гамәлгә ашыру турында республика законына үзгәрешләр кертү хакында закон проекты беренче укылышта һәм тулаем кабул ителде.

Закон торак белән тәэмин ителүгә өстенлекле хокукы булган ятим балалар һәм ата-ана тәрбиясеннән мәхрүм калган балалар арасыннан затлар даирәсен киңәйтә.

Закон проектын тәкъдим иткән Торак сәясәте һәм инфраструктура үсеше комитеты рәисе. Андрей Егоров әйтүенчә, үзгәрешләрнең асылы шунда: махсуслаштырылган торак фондыннан торак алуга өстенлекле хокук Россия Федерациясе субъектларының чик буе территорияләрендә хәрби провокация барышында бурычларын үтәгән ятим балалар һәм ата-ана тәрбиясеннән мәхрүм калган балалар арасыннан булган затларга бирелә. Элек мондый хокук махсус хәрби операциядә катнашкан ятим балалар арасыннан булган затларга гына бирелгән иде.