Яңалыклар

Бүген, Россия көнендә, Татарстан Республикасы Милли китапханәсендә «Балалар илне рәсемгә төшерә» 20 нче Республика балалар иҗаты конкурсында җиңүчеләрне бүләкләделәр. Татарстан җитәкчелеге исеменнән конкурс лауреатларын һәм призерларын Дәүләт Советының мактаулы рәисе, «Бердәм Россия» партиясенең төбәк бүлеге Секретаре Фәрит Мөхәммәтшин сәламләде.

Дәүләт Советы депутатларының сайлау округларында эше дәвам итә. Парламентарийлар гражданнарны кабул итте, халык белән очрашты, муниципаль берәмлекләр советлары утырышларында катнашты.

РФ ФС Дәүләт Думасы Рәисе Вячеслав Володин Татарстан Республикасы Дәүләт Советы Рәисе вазыйфаларын башкаручы Марат Әхмәтовка Россия көне уңаеннан котлау юллады.

Бүген Казанда, Тимер юлчылар мәдәният сараенда «Бердәм Россия» партиясенең Татарстан төбәк бүлекчәсенең 39 нчы конференциясе узды, анда республика бердәмроссиялеләре 9 нчы чакырылыш РФ ФС Дәүләт Думасына депутатлыкка тәкъдим итү өчен кандидатуралар буенча алдан тавыш бирүгә йомгак ясадылар. Утырышны Дәүләт Советының Мактаулы Рәисе, «Бердәм Россия» Бөтенроссия сәяси партиясенең Татарстан төбәк бүлеге Секретаре Фәрит Мөхәммәтшин үткәрде.

Дәүләт Советы Рәисе вазыйфаларын башкаручы Марат Әхмәтов бүген Түбән Новгородта узган Идел буе федераль округы Закон чыгаручылар советының 80нче юбилей утырышында катнашты. Парламентарийлар төзелеш тармагын үстерү, территорияләрне комплекслы үстерү программасын, төзелеш тармагының кадрлар потенциалын гамәлгә ашыру мәсьәләләре буенча фикер алыштылар. Моннан тыш, көн тәртибендә Идел буе федераль округы территориясендә яшьләр парламентаризмын үстерү мәсьәләләре үзәк урынны алды.

ТР Дәүләт Советы Рәисе вазыйфаларын башкаручы Марат Әхмәтов эш сәфәре белән Түбән Новгородка килде, анда ул Идел буе федераль округының Закон чыгаручылар советы эшендә катнаша.

Бүген Казанда «Бердәм Россия» Генераль советы комиссиясенең эш төркеме катнашучылары Татарстан территориясендә онкология авырулары булган пациентларга медицина ярдәме күрсәтү һәм дарулар белән тәэмин итү системасын камилләштерү турында фикер алыштылар. Чарада Социаль сәясәт комитеты рәисе Алексей Созинов катнашты.

Узган ял көннәрендә Дәүләт Советы депутатлары республиканың муниципаль районнарында узган Сабантуйларда катнашты. Сайлау округларында парламентарийлар халык белән очрашып, авыл халкын чәчү эшләре тәмамлану белән котладылар, мул уңыш, сәламәтлек һәм иминлек теләделәр.

Бүген Дәүләт Советы утырышында Татарстанда узган 25 ел эчендә Җир Хартиясе принципларын гамәлгә ашыруга йомгак ясалды. Әлеге мәсьәлә буенча мәгълүмат белән Экология, табигатьтән файдалану, агросәнәгать һәм азык-төлек сәясәте комитеты рәисе Азат Хамаев чыгыш ясады.