Яңалыклар

Республиканың авыл җирлекләрендә халык җыеннары уза, анда узган елга йомгак ясыйлар һәм территорияләрне үстерүнең актуаль мәсьәләләре буенча фикер алышалар. Җыеннарда Дәүләт Советы депутатлары да катнаша.

Казандагы 6 нчы гимназиянең хоккей мәйданчыгында дусларча турнир узды. Бозга мәктәп командасы белән бергә «Ак Барс» хоккей клубы спортчылары да чыкты. Чарада Социаль сәясәт комитеты рәисе урынбасары Ольга Воронова һәм Дәүләт Советы депутаты Данис Зарипов катнашты. Акция кысаларында яшь спортчылар танылган хоккейчылар белән аралашты, ә парламентарийлар гимназиягә боз мәйданчыгы өчен техника тапшырды.

РФ ФС Федерация Советы Рәисе Валентина Матвиенко Дәүләт Советы Рәисе Фәрит Мөхәммәтшинга II дәрәҗә «Ватан алдындагы казанышлар өчен» ордены бирелү уңаеннан котлау телеграммасы юллаган.

Бүген Дәүләт Советы депутаты, Республика балалар клиник хастаханәсе баш табибы Айрат Зыятдинов медицина учреждениесе коллективы исеменнән махсус хәрби операциядә катнашучыларга табиблар һәм Республика балалар клиник хастаханәсе хезмәткәрләре җыйган акчага алынган дизель-генераторны тапшырды. 

Бүген Татарстан халыклары Ассамблеясе президиумының киңәйтелгән утырышында һәм республиканың милли-мәдәни берләшмәләре җитәкчеләре катнашында узган түгәрәк өстәлдә милли һәм миграцион сәясәтне гамәлгә ашыру мәсьәләләре турында фикер алыштылар. Утырыш Татарстан халыклары дуслыгы йортында узды. Дәүләт Советы Рәисе, Татарстан халыклары ассамблеясе рәисе Фәрит Мөхәммәтшин үткәргән чарада профильле министрлыклар һәм ведомстволар, башкарма, күзәтчелек һәм хокук саклау органнары вәкилләре катнашты.

Татарстанда 2026 елда РФ Мәгариф министрлыгы һәм ТР Хөкүмәте арасында «Мәгарифне үстерү» дәүләт программасы буенча чыгымнарны финанслауга федераль бюджеттан субсидияләр бирү турындагы килешү кысаларында 36 гомуми белем бирү оешмасында капиталь ремонт ясау  планлаштырылган. Бу хакта мәктәпләрне, балалар бакчаларын һәм көллиятләрне капиталь ремонтлау, шулай ук яңа уку йортларын төзү программасын гамәлгә ашыру буенча федераль штаб утырышы барышында билгеле булды. «Бердәм Россия» Генераль советы Секретаре Владимир Якушев һәм РФ мәгариф министры Сергей Кравцов үткәргән утырышта видеоэлемтә режимында Дәүләт Советы Рәисе, «Бердәм Россия» Бөтенроссия сәяси партиясенең Татарстан төбәк бүлеге Секретаре Фәрит Мөхәммәтшин катнашты.

Татарстан Республикасы Дәүләт Советы Рәисе Фәрит Мөхәммәтшинга II дәрәҗә «Ватан алдындагы казанышлар өчен» ордены белән бүләкләнүе уңаеннан котлаулар килә.

Бүген Казанда Һиндстан Республикасы көне уңаеннан тантаналы кабул итү узды. Чара Һиндстанның Казандагы Генераль консуллыгы инициативасы белән оештырылды. Тантанада катнашучыларны ТР Дәүләт Советы Рәисе Фәрит Мөхәммәтшин, республика депутатлары исеменнән парламент Рәисе урынбасары Юрий Камалтынов котлады. 

«Сезнең иң авыр, җаваплы һәм игелекле миссиягез – кешеләр белән эшләү», – бу хакта ТР Дәүләт Советы Рәисе Фәрит Мөхәммәтшин ТР Кеше хокуклары буенча вәкаләтле вәкиле каршындагы Эксперт советының киңәйтелгән утырышында белдерде. Утырыш бүген Казан ИТ-паркында узды. Коллегиядә, гадәттәгечә, ведомствоның 2025 елдагы эшенә йомгак ясалды, шулай ук бу елга бурычлар билгеләнде.

Дәүләт Советы Рәисе Фәрит Мөхәммәтшин II дәрәҗә «Ватан алдындагы казанышлар өчен» ордены белән бүләкләнде. Тиешле указны Россия Федерациясе Президенты Владимир Путин имзалаган. Документ бүген хокукый актларны рәсми бастырып чыгару сайтында урнаштырылган.