Бүген Казанның Сәхипгәрәй Сәет-Галиев исемендәге мәдәният сараенда «Бердәм Россия» партиясенең Татарстан төбәк бүлекчәсенең XXXVI конференциясе узды, анда җиденче чакырылыш Дәүләт Советына депутатлар сайлау кампаниясенә йомгак ясалды. Моннан тыш, бердәм россиялеләр оештыру һәм кадрлар мәсьәләләрен карадылар, якындагы перспективага партия оешмасының бурычларын билгеләделәр.

"Рәсми рәвештә сайлау нәтиҗәләре ясалды, алар булды һәм дөрес узган дип танылды. 8 сентябрьдә бердәм тавыш бирү көнендә сайлаучылар исемлегенә кертелгән өч миллионга якын кешенең 2,1 миллионы тавыш бирү участокларына килде, – дип билгеләп үтте Дәүләт Советы Рәисе, «Бердәм Россия» партиясенең төбәк бүлеге Сәркатибе Фәрит Мөхәммәтшин, - Татарстан – сайлауга килү күрсәткечләре буенча илдә лидерлар рәтендә, 71,63% бу узган кампаниягә караганда, шулай ук Россия буенча уртача күрсәткечтән югарырак. Моны гамәлдәге хакимият тирәсендә җәмгыятьнең, безнең милли лидерларның махсус хәрби операция уздыру шартларында берләшү күрсәткече буларак бәялибез".

Фәрит Мөхәммәтшин билгеләп үткәнчә, партиядән кандидатлар исемлеге өчен татарстанлыларның 76,76% ы тавыш биргән. Шулай итеп, партия җиденче чакырылыш Дәүләт Советында конституцион күпчелекне һәм өстенлекле урынын саклап кала. Парламент җитәкчесе партиядәшләрен һәм партия тарафдарларын «Бердәм Россия»нең ышанычлы җиңүе белән котлады һәм барлык сайланган депутатларга, сайлау штаблары, фондлар хезмәткәрләренә, төбәк башкарма комитетына, секретарьларга һәм җирле бүлекләр активына зур эшләре өчен ихлас рәхмәтен белдерде. "Сайлау кампаниясе барышында  кандидатлар гражданнарның көнүзәк проблемалары буенча уртак эшчәнлек алып барды, программаларның нигезләмәләрен аңлатуга басым ясалды, - диде Фәрит Мөхәммәтшин, - сайлаучыларга барып җитүдә мондый алымның нәтиҗәсе бар дип әйтергә була. Төп корал кешеләр белән турыдан-туры күрешеп сөйләшү булды».

Парламент башлыгы сайлау кампаниясе барышында төбәк штабы тарафыннан 3 мең чара уздырылуын, ә автобус марафоны кысаларында депутатлыкка кандидатлар 29 муниципаль районда булып, анда яшәүчеләр, предприятиеләр хезмәткәрләре, җирле бүлекләр активы белән очрашуларын искә төшерде.

20 районда "Мин. Син. Татарстан” проекты яшь сайлаучылар белән эшләүгә, аларны хокукый яктан агартуга һәм гражданлык патриотизмы тәрбияләүгә аерым игътибар юнәлтте. 5 мобиль агитация бригадасы республиканың барлык районнарындагы авыл җирлекләренә һәм шәһәрләренә 600 тапкыр чыкты.

«МойДепутат» онлайн-сервисына 2 меңнән артык мөрәҗәгать кертелгән. «Законнар белән җайга салуны таләп итүче кайбер мәсьәләләр республика Дәүләт Советының закон проектлары эше планына кертеләчәк, инициативалар белән Россия Закон чыгаручылар советына һәм Идел буе Закон чыгаручылар Ассоциациясенә чыгачакбыз, – дип ассызыклады Фәрит Мөхәммәтшин. – Бер генә мөрәҗәгать тә, игътибарсыз калырга тиеш түгел”.

Фәрит Мөхәммәтшин билгеләп үткәнчә, алга таба сәяси системаны,  икътисадны, СВО бурычларын нәтиҗәле хәл итү өчен иҗтимагый бердәмлекне ныгыту максат булып тора. Депутатлар катнашында Донбасска гуманитар миссияне формалаштыруны дәвам итәчәкбез. Моннан тыш, бердәм россиялеләрнең депутатлар корпусының яңа составына, төбәк сәяси советына мөмкин кадәр тизрәк сайлау алды программасы нигезләмәләрен, Республика Рәисенең Юлламасын үтәүгә керешергә туры киләчәк, аның белән Рөстәм Нургалиевич якын арада мөрәҗәгать итәргә, шулай ук үсешнең милли максатларын һәм яңартылган илкүләм проектларны гамәлгә ашыруга кушылырга ниятли», – дип нәтиҗә ясады Фәрит Мөхәммәтшин.

Татарстанда узган сайлау кампаниясенә «Бердәм Россия» партиясенең Генераль советы әгъзасы, партиянең Идел буе төбәкара координация советы җитәкчесе, РФ Федераль Җыены Дәүләт Думасының төбәк сәясәте һәм җирле үзидарә комитеты рәисе урынбасары Роман Любарский югары бәя бирде. «Республика халкы тарафыннан»Бердәм Россия " партиясе кандидатларына зур ышаныч күрсәтелде. Бу республикада хакимияткә, башкарма хакимияткә дә, канун чыгаруга да ышанычның югары булуын күрсәтә. Бу, һичшиксез, парламентка сайланган коллегаларыбыз өчен зур җаваплылык. Алар бу юлны лаеклы үтәрләр һәм татарстанлыларның өметләрен акларлар дип ышанабыз", - дип ассызыклады Роман Любарский.

Бүген Роман Любарский Фәрит Мөхәммәтшинга партиянең Луганск төбәк бүлеге секретаре Денис Мирошниченко исеменнән инфраструктураны торгызуга, гуманитар ярдәм күрсәтүгә һәм Рубежное шәһәрендә яшәүчеләргә зур өлеш керткәне өчен рәхмәт белдерде. Конференция азагында Фәрит Мөхәммәтшин федераль һәм республика массакүләм мәгълүмат чаралары вәкилләре белән аралашты, актив эшчәнлеге һәм сайлау кампаниясен объектив яктыртулары өчен журналистларга аерым рәхмәт белдерде. "Сайлау нәтиҗәләре безгә күп эшләргә кирәклеген күрсәтә, - дип ассызыклады парламент башлыгы. - Наказлар һәм сайлаучылардан алынган актуаль мәсьәләләрне хәл итү,  гамәлгә ашыру буенча без «юл картасы»н   формалаштырылачакбыз».