Парламентның алтынчы утырышында депутатлар 2025 елга Дәүләт Советында закон проекты эшенең якынча планын кабул иттеләр. Ул закон чыгару инициативасы субъектлары тәкъдим иткән 30 закон проектын үз эченә ала.

План проектын тәкъдим иткәндә, Законлылык һәм хокук тәртибе комитеты рәисе Алексакндр Чубаров 2025 елга ТР Дәүләт Советында закон проекты эшенең үрнәк планы проекты 2024 елның 28 ноябрендә Дәүләт Советы утырышында нигез итеп кабул ителүен һәм закон чыгару инициативасы хокукына ия субъектлардан 29 тәкъдимнән торуын искәртте, аларга агымдагы елның 5 декабренә кадәр якынча план проектына өстәмә тәкъдимнәр кертергә тәкъдим ителде.

Күрсәтелгән чорда план проектына өстәмә рәвештә Балтач муниципаль районы Советыннан бер тәкъдим кергән - «Аерым муниципаль берәмлекләрнең территорияләре чикләрен үзгәртү һәм «Балтач муниципаль районы» муниципаль берәмлегенең һәм аның составындагы муниципаль берәмлекләрнең территорияләре чикләрен билгеләү һәм аларның статусы турында» ТР Законына үзгәрешләр кертү хакында» ТР законы проекты (Норма, Сосновка авыл җирлекләре һәм «Балтач шәһәр тибындагы поселогы»муниципаль берәмлеге чикләрен үзгәртү өлешендә).

Закон чыгару инициативасы хокукына ия субъектларның тәкъдимнәрен исәпкә алып, Дәүләт Советының закон проекты эшенең якынча планына 30 проект кертелгән, шул исәптән Татарстан Республикасы Рәисеннән – 4, Татарстан Республикасы Министрлар Кабинетыннан – 6, Дәүләт Советы комитетларыннан – 10, муниципаль район Советларыннан – 7, Үзәк сайлау комиссиясеннән һәм ике депутаттан берәр закон проекты.