Татарстан Республикасы Министрлар Кабинетының 2024 елгы эшчәнлеге нәтиҗәләре турындагы хисап Дәүләт Советы утырышында каралды. Әлеге мәсьәлә буенча төп доклад белән республика Премьер-министры Алексей Песошин чыгыш ясады.

Комитетлардан һәм депутат берләшмәләреннән килгән мәсьәләләр буенча хисапның һәм мәгълүматның Дәүләт Советы комитетлары утырышларында җентекләп каралуын билгеләп, Алексей Песошин республиканың социаль-икътисадый үсеше буенча төп нәтиҗәләргә һәм чараларга тукталды. «Татарстан Республикасы Рәисе Рөстәм Миңнеханов җитәкчелегендәге оператив штаб, сезнең белән бергә, хөрмәтле депутатлар, һәм федераль министрлыклар белән берлектә, заман чакыруларын җиңеп чыгу буенча системалы чаралар күрү эшен дәвам итте. Барлык кыенлыкларга карамастан, республика икътисады үсеш темпларын саклап калды. Предприятиеләр җитештерү күләмнәрен арттыралар, үзебезнең технологияләрне кертәләр һәм яңа куәтләр кертәләр», – дип басым ясады Алексей Песошин.

Алексей Песошин 2024 елда республиканың социаль-икътисадый үсешенең төп күрсәткечләренә тукталды. Шулай итеп, ел йомгаклары буенча республиканың тулай төбәк продукты беренче тапкыр үсеш темпы 103,9%ка   җитеп, 5 трлн сумлык тамганы узган. Җибәрелгән продукция күләме 5,6 трлн сум булып сәнәгать җитештерүе индексы 105% тәшкил иткән. Төп өлешне эшкәртү производстволары – машина төзелеше һәм нефть химиясе, азык-төлек сәнәгате һәм энергетика тәэмин итә. Машина төзелеше тармагы предприятиеләре импортны алыштыруга юнәлдерелгән проектларны гамәлгә ашыруны дәвам итәләр. Дәүләт оборона заказы тулы күләмдә үтәлә.

Алексей Песошин билгеләп үткәнчә, Татарстан инвестицион климат торышы буенча тотрыклы рәвештә лидерлар өчлегендә (соңгы 6 ел рәттән 2 урын). Ел нәтиҗәләре буенча инвестицияләр 1 трлн 435 млрд сумга җиткән. Дүртенче ел рәттән файдалануга тапшырылган торак күләме 3 млн кв.метрдан артып китә. Капремонт программасы буенча 748 күпфатирлы йорт (4,6 млн кв. метр) ремонтланган, шуның нәтиҗәсендә республикада яшәүче 166 меңнән артык кеше торак шартларын яхшырткан. 6 ел эчендә «Безнең ишегалды» республика программасы кысаларында 5 меңнән артык ишегалды төзекләндерелгән. Ел саен 60тан артык парк һәм сквер төзелә һәм ремонтлана.

Коммуналь инфраструктураны модернизацияләү мәсьәләләренә килгәндә, Алексей Песошин аңлатканча, 2023-2024 елларда республикада 128 км су һәм җылылык белән тәэмин итү, канализация челтәре яңартылган. "Агымдагы елда коммуналь инфраструктураны модернизацияләү федераль программасы «Яшәү өчен инфраструктура» яңа илкүләм проект составына керде, – дип искә төшерде Премьер-министр. – Инженерлык инфраструктурасы объектларының торышы барлык халыкның иминлегенә кагыла. Шуңа күрә бу мәсьәләләр даими контрольдә тора. Челтәрләрнең тузу темпларын исәпкә алып, республика Рәисе Рөстәм Миңнеханов бу тармакка республика бюджетыннан өстәмә рәвештә 10 млрд сум җибәрергә кушты".

Алексей Песошин Дәүләт программаларын гамәлгә ашыру мәсьәләләренә аерым тукталды. Илкүләм  проектларда катнашу, Татарстан Республикасы Рәисе кушуы буенча формалаштырыла торган 44 республика программасын гамәлгә ашыру узган елда социаль һәм инженерлык инфраструктурасының 3730 объектын төзергә һәм капиталь ремонтларга мөмкинлек биргән. Бу максатларга 167 млрд сум юнәлдерелгән. Программалар кысаларында 2024 елда 7 балалар бакчасы, 8 мәктәп һәм 2 өстәмә корпус төзелгән. Сәламәтлек саклау системасында 240 объект капиталь ремонтланган, 48 фельдшер-акушерлык пункты, 3 амбулатор-поликлиника учреждениесе төзелгән, 160 сәламәтлек саклау объекты ремонтланган, 125 яңа спорт корылмасы төзелгән, ә спорт объектлары белән тәэмин ителеш дәрәҗәсе 72,5% ка җиткән. Мәдәният өлкәсендә, Казанда Галиәсгар Камал исемендәге Татар дәүләт академия театрының яңа бинасын төзеп бетерү белән беррәттән, 56 яңа объект капиталь ремонтланган һәм 12 яңа объект төзелгән.

Юл хуҗалыгы турында сөйләгәндә, Алексей Песошин билгеләп үткәнчә, 2024 елда моңарчы күрелмәгән күләмдә 200 млрд сумлык эш башкарылган. Түбән Кама һәм Яр Чаллы шәһәрләрен урап узу һәм Кама аша М-7 (81,1 км) күпер аша чыгу юлы төзелеше тәмамланган. Дәүләти-хосусый партнерлык кысаларында Алексеевск-Әлмәт участогында Шәле – Баулы юлы (145 км) һәм Вознесенск трактының 2 нче этабы (7,6 км) сафка бастырылган. Казанда Горький шоссесын М-7 федераль юлына кадәр реконструкцияләү төгәлләнгән. 2025 елда Казан-Екатеринбург (96 км) маршрутында М-7 трассасын реконструкцияләүне тәмамлау планлаштырыла, бу М-12 «Восток» Мәскәү – Казан – Екатеринбург – Төмән коридорының бер өлеше булачак.

Авыл хуҗалыгы продукциясен җитештерү кысаларында Татарстан илнең азык-төлек суверенитетын тәэмин итү буенча куелган бурычны уңышлы үти. Ел йомгаклары буенча авыл хуҗалыгы продукциясе күләме 341 млрд сумнан артып киткәне, ә республика лидер төбәкләр өчлегендә кала.

Алексей Песошин шулай ук махсус хәрби операциядә катнашучыларга һәм аларның гаиләләренә ярдәм итү мәсьәләләренә, Җиңүнең 80 еллыгын бәйрәм итүгә юнәлдерелгән чараларга тукталды.

Хөкүмәт хисабы парламент депутатлары тарафыннан сораулар тудырды. Аерым алганда, депутат Артур Габделҗанов пилотсыз очу аппараты һөҗүмнәре вакытында террорчылыктан саклануны тәэмин итү чаралары белән кызыксынды. «Хәзерге вакытта  «Чиста күк» ситуацион үзәге булдырылды, ул  илебезнең үзәге белән үзара хезмәттәшлектә барлык мәгълүматны җыю, шулай ук тиешле структураларны хәбәр итү белән шөгыльләнә", – диде  Алексей Песошин.

Фикер алышу барышында депутат Николай Атласов калдыкларны утильләштерү мәсьәләләренә игътибар итте, депутат Альберт Яһүдин коммуналь хезмәтләргә тарифларның үзгәрүе белән кызыксынды. Депутат Альберт Сафин торак милегенә бәяләр үсеше темасын күтәрде, аерым алганда, хөкүмәт тарафыннан арзан торак мәсьәләләре буенча нинди өстәмә чаралар күрелүе белән кызыксынды. «15 апрельдә Рөстәм Миңнеханов Россия Федерациясе Дәүләт Советы Президиумының киңәйтелгән утырышында бу темага тулы доклад белән чыгыш ясады, анда ул берничә чара тәкъдим итте, – дип искәртте Алексей Песошин. – Хәзерге вакытта бездә социаль ипотека буенча гамәлдәге программа бар».

Дәүләт Советы Рәисе Фәрит Мөхәммәтшин, Татарстан Республикасы Министрлар Кабинеты эшчәнлеге нәтиҗәләре турындагы хисап буенча фикер алышуга йомгак ясап, республиканың күптармаклы икътисадының катлаулы шартларда төп социаль-икътисадый күрсәткечләр буенча уңай нәтиҗәләр күрсәтә алуын билгеләп үтте. «Авыр санкцион шартларда Татарстан икътисады үсүен дәвам итә, – дип басым ясады Фәрит Мөхәммәтшин, – мондый үсешкә хакимиятнең барлык тармаклары һәм дәрәҗәләренең килешеп эшләве хисабына ирешеп була».

Премьер-министр Алексей Песошин Дәүләт Советы депутатларына конструктив багланышлары, социаль-икътисадый тотрыклылыкны тәэмин итү буенча актив һәм системалы эшләре өчен рәхмәт белдерде. Татарстан Республикасы халкына һәм бизнесына ярдәм итү.

Премьер-министр Алексей Песошин Дәүләт Советы депутатларына конструктив багланышлары, социаль-икътисадый тотрыклылыкны тәэмин итү,  Татарстан Республикасы халкына һәм бизнесына ярдәм итү буенча актив һәм системалы эшләре өчен рәхмәт белдерде.