Бүген Дәүләт Советы Президиумы утырышында татар шагыйре, Советлар Союзы Герое, Ленин премиясе лауреаты Муса Җәлилнең 120 еллыгын бәйрәм итү кысаларында Татарстанда тантаналы чаралар уздыру турында фикер алыштылар. Юбилейны республика 2026 елның 15 февралендә билгеләп үтәчәк. Бәйрәм вакыйгалары афишасын республиканың мәдәният министры урынбасары Дамир Натфуллин тәкъдим итте.

Җиденче чакырылыш Дәүләт Советының унсигезенче утырышы, язгы сессиядә беренчесе, 19 февральдә сәгать унда ачыла. Бүген парламент Президиумы утырышында шундый карар кабул ителде. Депутатлар 24 мәсьәлә, шул исәптән 11 республика законы проектын һәм 5 федераль закон проектын карарга планлаштыра.

Дәүләт Советы депутатларының округларда эше дәвам итә. Бу атнада парламентарийлар гражданнарны кабул итте, республика муниципалитетларындагы социаль учреждениеләрдә булды һәм сайлаучылар белән очрашты.

Казан үзәгендә, Маяковский һәм Щапов урамнары киселешендә (30/16 йорт) архитектор-реставратор, Татарстанның һәйкәлләрне саклау җәмгыяте рәисе Фәридә Зәбировага тантаналы рәвештә мемориаль такта ачылды. Тантанада Дәүләт Советы Секретаре Лилия Маврина катнашты.