Үзбәкстан Республикасы Премьер-министры урынбасары Җәмшид Ходжаев эш сәфәре белән Казанга килде. Габдулла Тукай исемендәге «Казан» халыкара аэропортында Үзбәкстан вице-премьерын Татарстан Республикасы Дәүләт Советы Рәисе вазыйфаларын башкаручы Марат Әхмәтов каршы алды.

Җәмшид Ходжаевның Татарстанга килүенең төп максаты – «Россия –Ислам дөньясы: KazanForum 2026» XVII халыкара икътисадый форумы эшендә катнашу. Үзбәкстан Хөкүмәтендә ул инвестицияләр, тышкы икътисадый багланышлар һәм икътисад тармакларын үстерү мәсьәләләрен җитәкли.

Форум чаралары 17 майга кадәр дәвам итәчәк,  анда Россиянең 93 иленнән һәм 61 төбәгеннән вәкилләр катнашыр дип көтелә. 20 тематик трек буенча 143 сессия планлаштырылган. Исегезгә төшерәбез, эре халыкара «КазаньФорум» инде дүртенче тапкыр федераль статуста уза.

Эш сәфәре кысаларында Җәмшид Ходжаевның төбәк, федераль һәм чит ил коллегалары белән берничә очрашуы планлаштырылган. Моннан тыш, Үзбәкстан вице-премьеры «Картадагы нокталардан үсеш нокталарына: технологик һәм финанс инициативаларын берләштерү» пленар утырышында спикер буларак  чыгыш ясарга ниятли.