Яңалыклар

9 сентябрьдә «KazanExpo халыкара күргәзмә комплексында "Россия - спорт державасы» форумы кысаларында 2022 елгы волейбол буенча дөнья чемпионатын оештыручы шәһәрләр арасында волейбол турнирын тәкъдир итү булды. Форумның үзәк мәйданчыкларының берсендә - «Спорт - яшәү нормасы» стендында узган чарада ТР Дәүләт Советы Рәисе, Татарстан Волейбол федерациясе президенты Фәрит Мөхәммәтшин катнашты.

Россиянең күп кенә төбәкләрендә, шул исәптән Татарстанда да Үзбәкстан мәдәнияте көннәре бара. Алар илнең бәйсезлегенең 30 еллыгына багышлана. Бүген Татарстан Халыкларының дуслык йортында бәйрәм тантанасында Татарстан Дәүләт Советы Рәисе, Татарстан халыклары ассамблеясы советы рәисе Фәрит Мөхәммәтшин, Үзбәкстан Премьер-министры урынбасары Азиз Абдухакимов һәм Үзбәкстанның Казандагы консулы Фариддин Насриев катнашты.

ТР Дәүләт Советы Рәисе Фәрит Мөхәммәтшин Менделеевски районында булды, анда капиталь ремонттан соң ачылган район хастаханәсендә булды, табиблар һәм медицина персоналы белән очрашты, архивның яңа бинасын ачу тантанасында катнашты, шулай ук район активы белән аралашты.

ТР Дәүләт Советы Рәисе Фәрит Мөхәммәтшин Әлки районында булды, анда ул Юхмачы авыл җирлеге башкарма комитетының яңа бинасын ачу тантанасында катнашты, шулай ук “Каенкай” балалар бакчасында булды һәм район активы белән аралашты.

Татарстан Республикасы Дәүләт Советы Аппараты хезмәткәрләре Татарстан Республикасы халык язучысы, Россия Федерациясенең атказанган мәдәният хезмәткәре, 1992-2007 елларда Татарстан Республикасы Дәүләт Советы Аппаратында эшләгән Григорий Васильевич Родионовның (Гәрәй Рәхим) вафаты уңаеннан мәрхүмнең туганнарының һәм якыннарының кайгысын уртаклашалар.

Бүген Дәүләт Советы Рәисе, “Бердәм Россия” партиясенең төбәк бүлеге Секретаре Фәрит Мөхәммәтшин волонтер-медиклар белән очрашты, пандемиянең иң катлаулы чорларында бу бәла-казага каршы көрәштә төп көчләрнең берсе булган Казан дәүләт медицина университеты волонтерлары белән аралашты. Моннан тыш, парламент башлыгы университетның Гыйльми советы утырышында катнашты, анда 2021 елгы кабул итү кампаниясенә йомгак ясалды.

Татарстан Республикасы Дәүләт Советы Рәисе, “Бердәм Россия” партиясенең Татарстан төбәк бүлеге Секретаре Фәрит Мөхәммәтшин “Бердәм Россия” партиясенең һәм Россия Хөкүмәтенең уртак киңәшмәсендә катнашты, анда мәгълүмати технологияләрне үстерү программасы буенча фикер алыштылар. Парламент җитәкчесе IT-секторда эшләүче эшкуарларга ярдәм итүгә юнәлтелгән республика проектлары өлкәсендә һәм цифрлаштыруда Татарстанның тәҗрибәсе турында сөйләде. Киңәшмә видеоэлемтә режимында узды.

1 сентябрьдә Казанның Совет районында "Унбер" күппрофильле лицее ачылды. Республика җитәкчелеге исеменнән балаларны, укытучыларны һәм ата-аналарны Белем көне белән ТР Дәүләт Советы Рәисе Фәрит Мөхәммәтшин котлады.

Дәүләт Советы депутатларының округларда эше дәвам итә. Бу атнада парламентарийлар "Мәктәпкә җыенырга ярдәм ит" акциясенә кушылды, округларда мәгариф хезмәткәрләренең август конференцияләрендә катнашты, шулай ук гражданнар кабул итүләре уздырды. Моннан тыш, депутатлар татарстанлыларны Республика көне белән котлады.

Татарстан Республикасы Президенты Рөстәм Миңнеханов һәм Дәүләт Советы Рәисе Фәрит Мөхәммәтшин исеменә РФ ФҖ Федерация Советы Рәисе Валентина Матвиенкодан котлау телеграммасы килде. Ул Татарстан халкын Республика көне белән котлады.