Бүген Дәүләт Советында Яшьләр парламентының унберенче утырышы узды, анда яшь парламентарийлар РФ Хезмәт кодексына һәм РО Хөкүмәтенең пенсияне вакытыннан алда билгеләү хокукын бирә торган вазыйфалар исемлеге турындагы карарына үзгәрешләр кертү буенча берничә инициативаны карадылар, шулай ук республиканың кайбер предприятиеләрендә гамәлгә ашырыла торган экологик проектлар турында фикер алыштылар. Утырышны Яшьләр парламенты рәисе Нина Шимина үткәрде. Парламент эшендә Дәүләт Советының Социаль сәясәт комитеты рәисе Светлана Захарова һәм республиканың яшьләр эшләре министры Ринат Садыйков катнашты.

Яшьләр парламенты утырышының төп мәсьәләләренең берсе Россия Федерациясе Хезмәт кодексының 22 статьясына үзгәрешләр кертү буенча закон чыгару инициативасы иде. Яшь парламентарийлар эш бирүчегә вакансияләр турында ышанычлы мәгълүматны бастырып чыгару бурычын беркетүне кирәк дип саный.

«Хәзерге вакытта, РФ Хөкүмәте карары нигезендә, 25 кешедән торган эш бирүчеләрнең эш белән тәэмин итү һәм хезмәт мөнәсәбәтләре өлкәсендә бердәм «Работа в России» цифрлы платформада мәгълүмат урнаштыру бурычы каралган, әмма эш бирүчеләр ачык куллана алырлык барлык мәгълүмат та дөрес һәм тулы характерда түгел, - дип ассызыклады закон проекты авторлары, - «Работа.ру» порталының сораштыру мәгълүматлары русиялеләрнең дүрттән өч өлеше эш бирүчеләрдән вакансияләрдә ялган мәгълүмат белән очрашканын күрсәтә".

Хокук мәсьәләләре, контроль һәм яшьләр парламенты регламенты комиссиясе әгъзасы Луиза Гәрәева билгеләп үткәнчә, эшнең реаль шартлары вакансиядә әйтелгәннәр белән туры килми, сүз, аерым алганда, график, хезмәт хакы дәрәҗәсе һ. б. турында бара. 

Шул ук вакытта эш бирүченең вакансияләрдә дөрес булмаган мәгълүмат өчен җаваплылыгы хезмәт килешүендә дә, гамәлдәге законнарда да чагылдырылмаган.

Яшь парламентарийлар шулай ук картлык буенча хезмәт пенсиясе вакытыннан алда билгеләнә торган белгечлекләр исемлеген киңәйтү инициативасы белән чыктылар (Россия Федерациясе Хөкүмәтенең 2002 елның 29 октябрендәге 781 номерлы карары белән расланган), аңа югары мәктәп педагоглары вазифаларын керттеләр. Бу үзгәреш, яшь парламентарийлар фикеренчә, югары уку йорты укытучысы һөнәренең, бигрәк тә яшьләр өчен, җәлеп итүчәнлеген арттырачак.

Бүген утырышта яңгыраган тагын бер инициатива – Дәүләт Советы сессиясендә Татарстан Республикасында гражданнарның сәламәтлеге торышы турындагы еллык докладны тыңлау.

Яшь парламентарийлар, Дәүләт Советының контроль вәкаләтләре кысаларында парламентта ел саен карала торган хөкүмәт эше турындагы хисап белән беррәттән, Татарстан Республикасында гражданнарның сәламәтлеге торышы турында еллык доклад әзерләүне һәм аны Татарстан Республикасы Министрлар Кабинеты тарафыннан Татарстан Республикасы Дәүләт Советына тапшыруны күздә тотарга кирәк, дип ышана.

"Тәкъдим ителгән үзгәрешләр сәламәтлек саклау өлкәсендә гражданнарның хокукларын тәэмин итү һәм сәламәтлек саклау өлкәсендә бердәм дәүләт сәясәтен тәэмин итү максатларында дәүләт хакимияте органнарының үзара эш итү механизмнарын камилләштерү юлында мөһим адым булып тора", - диелә документка аңлатма язуында.

"Бүген яшьләр парламенты утырышында безнең һәм парламентның башка комитетлары эшкә алачак берничә закон чыгару инициативасы каралды, –  дип билгеләп үтте Дәүләт Советының Социаль сәясәт комитеты рәисе Светлана Захарова, – Һичшиксез, аларның кайберләре турында өстәмә фикер алышырга кирәк булачак, ә кайберләре буенча  депутатлар закон проекты кебек чыга ала. Яшьләребез актив.  Яшьләр парламенты әгъзалары алдында иж элек урыннарда яшьләр белән эшләъ, закон дәрәҗәсендә хәл ителергә тиешле мәсьәләләрне күтәрү бурычы куела. Һәр утырышта теге яки бу закон чыгару инициативасы каралуы сөендерә. Бу республика һәм федераль законнарга үзгәрешләр кертүгә кагыла". 

Республика предприятиеләрендә гамәлгә ашырыла торган Экологик проектлар бүген «Казаноргзинез»ААҖ мисалында каралды. «Казаноргсинтез» ААҖ экология буенча эксперты Анастасия Романенко билгеләп үткәнчә, соңгы 20 елда предприятиедә инвестиция программасы гамәлгә ашырылган, аның барышында төп куәтләрнең һәм инфраструктура объектларының 80% тан артыгы модернизацияләнгән.

Яшьләр парламенты утырышында башка мәсьәләләр дә каралды. Дәүләт Советы сайтында, ВКонтакте һәм Одноклассники социаль челтәрләрендә парламентның рәсми аккаунтларында утырыш турыдан-туры трансляцияләнде.