Ренат Мамин республиканың Иҗтимагый палатасы әгъзасы итеп расланды

2024 елның 11 июле, пәнҗешәмбе, 10:55

Бүген республика парламенты «Татнефть» хәйрия фонды тәкъдим иткән Ренат Мамин кандидатурасын карады һәм ТР Дәүләт Советы квотасы буенча ТР Иҗтимагый палатасы әгъзасы итеп раслады. Утырышта депутатлар дүрт кандидатура буенча тавыш бирде.

Законлылык һәм хокук тәртибе комитеты рәисе Шакир Яһудин хәбәр иткәнчә, 3 июньдә ТР Иҗтимагый палатасы тарафыннан, Иҗтимагый палата әгъзасы Дмитрий Романовның дәүләт хезмәтенә күчү сәбәпле вәкаләтләрен вакытыннан алда туктату турында Карар кабул ителгән. "Закон нигезендә, дүрт төбәк иҗтимагый оешмасы Иҗтимагый палата составына үз кандидатураларын тәкъдим итте, - диде ул. - Бүген тәкъдим ителгән кандидатлар Законлылык һәм хокук тәртибе комитеты тарафыннан каралды".

Шакир Яһудин искәрткәнчә, Дәүләт Советы һәр кандидат өчен рейтинглы тавыш бирү юлы белән бер генә кандидатураны раслый.

Тавыш бирү нәтиҗәсендә депутатлар Ренат Маминны ТР Иҗтимагый палатасы әгъзасы итеп расладылар.

Татарстан Республикасы Дәүләт Советы матбугат хезмәте
Дәүләт Советы турында
Состав һәм структура
Эшчәнлек
Документлар
Матбугат хезмәте
Гражданнарга
Адрес: 420060, Татарстан Республикасы, Казан шәһәре, Ирек мәйданы, 1 нче йорт, Татарстан Республикасы Дәүләт Советы
Телефон: +7 (843) 267-63-94
Факс: +7 (843) 267-64-89
E-Mail: gossovet.rt@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International