Бүген Тверь өлкәсенең Закон чыгару Җыелышы рәисе Сергей Голубев җитәкчелегендәге парламент делегациясе әгъзалары республиканың инвестицияләр үсеше агентлыгында булды, анда республиканың икътисадый, сәнәгать һәм инвестицияләр җәлеп итү мөмкинлеге белән таныштылар. Очрашуда Дәүләт корылышы һәм җирле үзидарә комитеты рәисе Альберт Хәбибуллин катнашты.

Исегезгә төшерәбез, Тверь өлкәсе Закон чыгару Җыелышы делегациясе Казанга бүген килде. Визитның төп максаты - Татарстан Республикасы Дәүләт Советы һәм Тверь өлкәсе Закон чыгару Собраниесе арасында хезмәттәшлек турындагы Килешү имзалау.

Тверь өлкәсе парламент делегациясе составында - закон чыгару Җыены Рәисе урынбасары, Дәүләт корылышы һәм җирле үзидарә комитеты рәисе Александр Клиновский, бюджет һәм салымнар комитеты рәисе Константин Буевич, аграр сәясәт һәм табигатьтән файдалану комитеты рәисе Александр Кушнарев, Аппарат җитәкчесе Виталий Тихолаз һәм башка рәсми затлар бар.

Республиканың инвестицияләр үсеше агентлыгы җитәкчесе Талия Миңнуллина билгеләп үткәнчә, Татарстан – инвестицияләр җәлеп итү буенча Россиянең әйдәп баручы төбәге. Хәзерге республика белән 79 ил-инвестор хезмәттәшлек итә. 2024 елда бюджеттан тыш инвестицияләр күләме беренче тапкыр 1 трлн. Сумга җитә. «Татарстан - сәнәгать төбәге, - дип ассызыклады Талия Миңнуллина, - Сәнәгать тармагы тулай төбәк продукты структурасында 50 процентны алып тора, шул ук вакытта 71,2 процент – эшкәртү тармагына карый. Татарстан Россиядә синтетик каучукның 42% җитештерә, йөк машиналары өчен шиналарның гомуми күләменнән 60% җитештерә, Россия йөк автомобильләренең 36,3% бездә җыела, Россия полиэтиленының 25,8% Татарстан  җитештерә».

Республиканың инвестицион үсеш агентлыгы җитәкчесе әйтүенчә, Татарстан авыл хуҗалыгы продукциясен җитештерү буенча Россиядә алдынгы урында тора. Аерым алганда, - сөт җитештерү буенча беренче урында, бәрәңге җитештерү буенча лидерлар өчлегенә керә.

Талия Миңнуллина IТ-секторны үстерүгә аерым тукталды. Татарстанда 3293 IТ оешмасы эшли диде ул.