Бүген Лисичанск һәм Рубежное шәһәрләренә (ЛХР) чираттагы гуманитар ярдәм колоннасы китте. Җиде зур фура Татарстан шефлыкка алган Лисичанск һәм Рубежное шәһәрләрендә яшәүчеләргә, махсус операциядә катнашучыларга «Бердәм Россия» партиясенең төбәк бүлеге химаясендә җыелган гомуми авырлыгы 100 тонна булган гуманитар йөкне китерәчәк. Волонтерлар һәм гуманитар акциядә катнашучылар белән ТР Дәүләт Советы Рәисе урынбасары, «Бердәм Россия» Бөтенроссия сәяси партиясенең Татарстан төбәк бүлеге Секретаре урынбасары Юрий Камалтынов аралашты.

"2022 елның мартыннан башлап «Бердәм Россия» партиясе һәм аның Татарстан төбәк бүлеге Донбасска гуманитар йөкләр җибәрү белән бик тыгыз шөгыльләнә башлады. Әгәр элегрәк без Гадәттән тыш хәлләр министрлыгы белән эшләсәк, йөкләр Ростов аша барса, бүген без Лисичанск һәм Рубежноеда, шул исәптән безнең партиянең төбәк бүлеге ярдәме белән булдырылган «Бердәм Россия» гуманитар үзәкләре белән турыдан - туры эшлибез», - дип белдерде Юрий Камалтынов.

Дәүләт Советы Рәисе урынбасары яңа төбәкләр өчен җаваплы ТР вице-премьеры Фәнил Әһлиуллинга ярдәмнәре өчен рәхмәт белдерде. «Әгәр без башта мөмкин булганның барысын да җыйсак, соңгы вакытта бу эш бик системалы һәм максатчан алып барыла һәм йөкләр турыдан-туры хезмәттәшләребез формалаштырган заявкалар буенча җыйнала», – дип ассызыклады Юрий Камалтынов.  

Ул шулай ук искәрткәнчә, МХОга төбәк бүлеге  гуманитар ярдәм белән 189 машина җибәргән, ә бу колонна - егерме тугызынчы. «Һәм бу бары тик « Бердәм Россия»  линиясе буенча гына, башка юнәлешләрне санамыйча. Күп районнар ярдәмне турыдан-туры күрсәтә, предприятиеләр, волонтерлар ярдәм итә, Татарстан Республикасы Рәисе кушуы буенча Хөкүмәт линиясе буенча зур эш алып барыла»,  – дип сөйләде Юрий Камалтынов, район башлыкларына һәм гуманитар колонналарны формалаштыруда катнашучы депутатларга рәхмәт белдереп.

«Бу быелгы юбилей елында беренче гуманитар партия конвоеның берсе, Без Бөек Ватан сугышында Җиңүнең 80 еллыгын билгеләп үтәргә әзерләнәбез, эш алга таба да дәвам итәчәк –  дип йомгаклады сүзен Юрий Камалтынов, – Татарстанда узучы хисап сессияләре барышында һәрвакыт МХОда катнашучыларның гаиләләре белән эшләү, хәрби элемтә линиясендә булган солдатларыбыз һәм офицерларыбызга ярдәм күрсәтү һәм республика шефлыкка алган  астындагы Лисичанск һәм Рубежное шәһәрләренә гуманитар ярдәм күрсәтү мәсьәләләре –  барлык районнар өчен дә төп мәсьәлә. Һәр районда без әлеге мөһим гуманитар миссияне үтәү буенча республикабыз җәмгыятенең искиткеч берләшүен күрәбез».

Дәүләт Советы депутатлары һәм парламент Аппараты хезмәткәрләре Рубежныйда хезмәт итүче якташлары өчен буржуйкалар, носилкалар, коры аш, коры душ һәм бәйләү материаллары җыйдылар.

20 тонна авырлыктагы яшелчәләр төялгән фураны Дәүләт Советы депутаты, "Татагролизинг" АҖ генераль директоры Азат Җиһаншин җибәрә.

Дәүләт Советы депутаты, Татарстан Республикасында Гомумроссия халык фронтының төбәк башкарма комитеты җитәкчесе Ринат Фазылов та «Бердәм Россия»колоннасына кушыла. Лисичанск һәм Рубежное шәһәрләрен саклаучы сугышчыларга ярдәм итү өчен парламентарий маскировка челтәрләре, форма, матди-техник тәэмин итү, инструментлар, техника өчен запас частьләр, шулай ук алга таба хезмәт күрсәтү өчен запас частьләр белән Лада автомобилен җибәрә.

Сарман муниципаль районы гадәттәгечә госпитальләргә һәм хастаханәләргә 20 тонна эчәргә яраклы су тутырылган фура җибәрә. Чирмешән һәм Теләче муниципаль районнары зыян күргән йортларны һәм социаль объектларны торгызу өчен 20шәр тонна агач материаллары җыйганнар.

Партиянең Азнакай, Менделеевск, Түбән Кама районнары, шулай ук Казан һәм Чаллы җирле бүлекчәләре активистлары көче белән аз керемле һәм мохтаҗ гаиләләрдәге балалар өчен матраслар, медицина кирәк-яраклары, азык-төлек, көнкүреш химиясе, генераторлар, шулай ук инструментлар һәм памперсларның зур партиясе җыелган.

Гуманитар колонна составында шулай ук балалар өчен баш эшчәнлеген үстерү уеннары, ТР Җир һәм милек мөнәсәбәтләре министрлыгыннан стендка ату өчен 5 мең мишень һәм балалар урындыклары, «Бердәм Россия» партиясенең Цифрлы компетенцияләрне үстерү үзәге җитәкчесе, «Электораль технологияләр платформасы» тикшеренү үзәге генераль директоры Альберт Карповтан картриджлар һәм ноутбук бар.  Моннан тыш, ЛХР га өч тәгәрмәчле мотоцикл да алып киттеләр.

«АЛ-СТРОЙ» компаниясе яңа төбәкләргә Ватанны саклаучылар көненә һәм Халыкара хатын-кызлар көненә 100 бүләк җыелмасы җибәргән.

Йөкне формалаштыруга һәм озатуга шулай ук ТР Ресоциальләштерү фонды җитәкчесе Данияр Максудов, Казан шәһәренең «Шотокан» карате федерациясе башлыгы Алексей Кокурин һәм «Дивар» компаниясе җитәкчесе Гайнан Габделгазизов үз өлешләрен керттеләр, ул транспорт белән тәэмин итүне оештыруда булышты.

Бу сәфәрдә колоннаны Дәүләт Советы депутатлары Азат Җиһаншин һәм Ринат Фазылов, Теләче районы башлыгы Айрат Фәтхуллин, Чирмешән районы башлыгы Рамил Айбатов, шулай ук партиянең төбәк башкарма комитеты җитәкчесе Марат Сәмигуллин озатып бара.