СОҢГЫ ЯҢАЛЫКЛАР
12
декабрь, 2025 ел
Бүген, Россия Федерациясе Конституциясе көнендә, Дәүләт Советында республика яшьләренә паспортлар тапшыру тантанасы булды. 14 яшь тулган Татарстан укучыларына гражданинның төп документын Дәүләт Советы Рәисе урынбасары Юрий Камалтынов тапшырды. Укучыларны Татарстан парламенты эшчәнлеге белән Дәүләт Советы Секретаре Лилия Маврина таныштырды.
12
декабрь, 2025 ел
Бүген Казаннан Татарстан шефлыкка алган Лисичанск һәм Рубежное шәһәрләренә (ЛХР) «Бердәм Россия» партиясенең төбәк бүлеге эгидасы астында җыелган чираттагы гуманитар ярдәм колоннасы китте. 10 зур йөк машинасы 150 тоннадан артык беренче кирәк-яраклар алып бара. Йөкләрне «Бәхетле» складыннан төяделәр. Волонтерлар һәм гуманитар акциядә катнашучылар белән Дәүләт Советы Рәисе, «Бердәм Россия» Бөтенроссия сәяси партиясенең Татарстан төбәк бүлеге Секретаре Фәрит Мөхәммәтшин, Дәүләт Думасы депутаты Татьяна Ларионова, ТР Яшьләр эшләре буенча министры Азат Кадыйров аралашты.
12
декабрь, 2025 ел
Фәрит Мөхәммәтшин: «Татарстан – Яңа гасыр» иҗтимагый хәрәкәте вәкиллеге муниципаль дәрәҗәдә көчәйде»
Бүген Казанда ТИСБИ Идарә университеты мәйданчыгында «Татарстан – Яңа гасыр» республика иҗтимагый хәрәкәтенең Югары Советы утырышы узды. Югары Совет әгъзалары 2025 елдагы эшкә, шулай ук бердәм тавыш бирү көнендә Республика Рәисен һәм республика муниципаль берәмлекләренең вәкиллекле органнары депутатларын сайлауларга йомгак ясадылар. Утырышны Дәүләт Советы Рәисе, иҗтимагый хәрәкәтнең Югары Советы рәисе Фәрит Мөхәммәтшин үткәрде.
ЯҢАЛЫКЛАРГА ЯЗЫЛУ
