Бүген парламентта видеоэлемтә режимында Дәүләт Советы депутатлары һәм аларның ярдәмчеләре өчен семинар узды, аның кысаларында федераль һәм республика законнарындагы үзгәрешләр, эш алып бару һәм документлар алып бару мәсьәләләре, шулай ук медиа киңлектә парламентарийларның эше турында фикер алыштылар. Семинарны Дәүләт Советы Секретаре Лилия Маврина үткәрде.

Семинарны ачып, Лилия Маврина бүгенге теманың депутат эшчәнлегендә әһәмиятле булуын билгеләп үтте. «Без мондый семинарларны даими үткәрәбез. Сүз халык белән эшләү турында гына бармый. Бу күбрәк депутатның үз эшчәнлеген оештыру белән бәйле. Без парламентарийларны яңа мәгълүмат белән «туендырырга» тырышабыз», – диде Лилия Маврина.  

Чарада катнашучылар алдында Дәүләт Советы Аппараты хезмәткәрләре:  Хокук идарәсенең гражданлык законнары бүлеге мөдире Айгөл Шакирова, Документлар белән тәэмин итү идарәсе җитәкчесе Лия Ибраһимова, Матбугат хезмәте җитәкчесе Ольга Благодарова чыгыш ясады.

Аннары семинарда катнашучылар депутатларның, аларның ярдәмчеләренең һәм Дәүләт Советы аппараты хезмәткәрләренең сорауларына җавап бирделәр.