Дәүләт Советының унҗиденче утырышында кабул ителгән яңа республика законнары үз көченә керә. Кайбер законнар махсус хәрби операциядә катнашучыларга социаль ярдәм күрсәтүгә юнәлдерелгән, ташламалар шулай ук эшмәкәрләргә һәм бизнеска кагылачак, ә быел республика бюджетына кергән өстәмә акчалар социаль әһәмиятле программаларны гамәлгә ашыруга тотылачак. Хуҗасыз хайваннар белән эш итү өлкәсендәге законнарга да үзгәрешләр кертелде. Тулырак – безнең  «Закон үз көченә керде» даими рубрикасында.

Дәүләт Советы депутатлары «Теләкләр чыршысы» бөтенроссия хәйрия акциясе кысаларында балалар язган яңа ел хыялларын һәм теләкләрен тормышка ашыра.

Дәүләт Советы Рәисе Фәрит Мөхәммәтшин Казанда яшәүче күпбалалы Вафиннар гаиләсендәге балаларның Яңа ел теләкләрен чынга ашырды. Ун яшьлек Самина велосипед турында хыялланган, ә җиде яшьлек Сабина биергә ярата һәм үзенә бүләккә бию келәме сораган.