Бүген Дәүләт Советы утырышында инвалидларны һәм социаль яклауга аеруча мохтаҗ гражданнарны эшкә алу өчен эш урыннарын квоталау турында республика законына үзгәрешләр кертү хакында закон проекты беренче укылышта һәм тулаем кабул ителде.

Социаль сәясәт комитеты рәисе Алексей Созинов аңлатуынча, проект республика территориясендә эшләүче эш бирүчеләр өчен мәҗбүри квота билгели. Әлеге квота Татарстан Республикасы территориясендә эшчәнлеген гамәлгә ашыручы эш бирүчеләр өчен, эш бирүченең Россия Федерациясенең башка субъектларында урнашкан филиаллары һәм вәкиллекләре хезмәткәрләрен исәпкә алмыйча, алдагы кварталга хезмәткәрләрнең исемлектәге уртача саныннан чыгып билгеләнүен күздә тота.