Татарстаннан Запорожье өлкәсенә, Луганск һәм Донецк Халык Республикаларына чираттагы гуманитар йөк китерелде. Махсус хәрби операция уздыру зонасына аны Дәүләт Советының Икътисад, инвестицияләр һәм эшмәкәрлек комитеты рәисе Рәгать Хөсәенов, шулай ук Лениногорск районы администрациясе вәкилләре озатып барды.

Гуманитар конвойны формалаштыруда Дәүләт Советы депутатлары Артур Габделҗанов, Руслан Нигъмәтулин һәм Андрей Фомичев актив катнашты. Оешмалар җитәкчеләре, «Эшлекле Россия» төбәк иҗтимагый берләшмәсе вәкилләре, иреклеләр һәм Лениногорск халкы да зур өлеш кертте.

Хәрби хезмәткәрләргә кирәкле материаллар һәм җиһазлар (дизель генераторлары, эретеп ябыштыру аппаратлары, махсус техник җиһазлар, техника өчен запас частьләр, гаиләләрдән һәм якыннардан исем посылкалары, озак саклана торган азык-төлек продуктлары, хуҗалык кирәк-яраклары һәм көнкүреш товарлары һ.б.) китерелде.