Бүген Татарстан Республикасы Дәүләт Советында Казан дәүләт медицина университетының «Социаль эш» юнәлеше буенча белем алучы 1-3 курс студентлары булды. Студентлар һәм педагоглар белән Социаль сәясәт комитеты рәисе Алексей Созинов очрашты.

Студент-медикларны сәламләп, Алексей Созинов аларның сайлаган һөнәре кешеләрнең иминлегенә кагылышлы актуаль мәсьәләләрне хәл итү өчен кирәк һәм мөһим, дип билгеләп үтте. "Сез - безнең бүгенгебез һәм киләчәгебез. Сез мөһим һөнәргә алынасыз,  социаль тәэмин итү органнары белгечләре, пенсия фонды хезмәткәрләре, социаль хезмәтләр хезмәткәрләре булачаксыз. Сез илебезнең иң мөһим мәсьәләләрен хәл итүче кешеләр булачаксыз», – дип билгеләде Алексей Созинов.

Алексей Созинов студентларга парламент эшчәнлеге, профильле комитетлар, фракцияләр һәм депутат төркемнәре эше, закон чыгару эшенең үзенчәлекләре турында сөйләде. "Нәкъ менә шушы бинада республика тормышын билгеләүче законнар туа, - дип ассызыклады профильле комитет башлыгы, студентларга мөрәҗәгать итеп. - биредә республика халкының язмышына йогынты ясый торган мөһим карарлар кабул ителә".

Бүген студентлар өчен парламент үзәге буйлап экскурсия оештырылды. Булачак медиклар утырышлар залында, рәсми делегацияләрне кабул итү залында, матбугат үзәгендә, китапханәдә һәм Татарстан парламентаризмы тарихы музеенда булдылар.