Бүген Казан шәһәре Идел буе районының 150 нче мәктәбе укытучылары һәм педагоглары Татарстан Дәүләт Советында булды. Экскурсия «Фидакарь хезмәт һәм хәрби батырлык белән Ватанны данлыйбыз!» темасына парламент дәресе  – 2026  кысаларында  Дәүләт Советының Торак сәясәте һәм инфраструктура үсеше комитеты рәисе Андрей Егоров тәкъдиме белән оештырылды.

Исегезгә төшерәбез, 16 февраль көнне Андрей Егоров 150 нче мәктәпнең 9 нчы сыйныф укучылары өчен парламент дәресендә катнашты. Депутат балаларга республика парламенты эшчәнлеге, депутатларның закон чыгару һәм иҗтимагый эшләре турында сөйләде, шулай ук укучыларны Дәүләт Советына чакырды.

Бүгенге укучылар парламент үзәгендә, Татарстан парламентаризмы музеенда һәм китапханәдә булдылар, профильле комитетлар һәм комиссияләр, фракцияләр һәм депутат төркемнәре эше белән таныштылар.

«Монда килгәнче, мин Дәүләт Советы эшчәнлеге турында парламент дәресендә депутат Андрей Егоров сөйләгәннәрдән генә белдем, – диде  9 нчы сыйныф укучысы Йосыф Йосыпов. – Мондый экскурсияләр файдалы, алар дөньяга карашны киңәйтә, Безгә парламент төзелеше турында белү кызыклы булды».

Экскурсиядән 9 нчы сыйныф укучысы Мария Хәмитова да тәэсирләнгән. «Мин бик күп яңалыклар белдем, миңа бик ошады, Андрей Юрьевичка рәхмәт», – диде ул.