Марат Әхмәтов Лотфулла Шәфигуллинга Дәүләт Советы депутаты таныклыгын тапшырды

2026 елның 8 апреле, чәршәмбе, 11:56

Дәүләт Советы Рәисе вазыйфаларын башкаручы Марат Әхмәтов Лотфулла Шәфигуллинга республика парламенты депутаты таныклыгы һәм значок тапшырды.

Исегезгә төшерәбез, 3 апрельдә ТР Үзәк сайлау комиссиясе Лотфулла Шәфигуллинны җиденче чакырылыш Дәүләт Советы депутаты итеп теркәде. Депутат мандаты Фәрит Мөхәммәтшинның депутат вәкаләтләрен вакытыннан алда калдыруы нәтиҗәсендә барлыкка килде.

Лотфулла Шәфигуллин инде өч чакырылыш (дүртенче, бишенче һәм алтынчы) Дәүләт Советына депутат итеп сайланган иде, Икътисад, инвестицияләр һәм эшмәкәрлек комитетын җитәкләде. Лотфулла Шәфигуллин – РФ атказанган элемтә хезмәткәре, ТР атказанган икътисадчысы, Халыкара элемтә академиясе академигы.

Марат Әхмәтов Лотфулла Шәфигуллинга депутатлык эшчәнлегендә уңышлар теләде.

Җиденче чакырылыш Дәүләт Советында Лотфулла Шәфигуллин Законлылык һәм хокук тәртибе комитеты составында эшләргә ниятли.

 

Татарстан Республикасы Дәүләт Советы матбугат хезмәте
Фоторепортаж
Фоторепортаж
Дәүләт Советы турында
Состав һәм структура
Эшчәнлек
Документлар
Матбугат хезмәте
Гражданнарга
Адрес: 420060, Татарстан Республикасы, Казан шәһәре, Ирек мәйданы, 1 нче йорт, Татарстан Республикасы Дәүләт Советы
Телефон: +7 (843) 267-63-94
Факс: +7 (843) 267-64-89
E-Mail: gossovet.rt@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International