Бүген Дәүләт Советы утырышында мәдәни мирас объектлары турында республика законына үзгәрешләр кертү хакында закон проекты беренче укылышта һәм тулаем кабул ителде. 

Татарстан Республикасы мәдәни мирас объектларын саклау комитеты рәисе Иван Гущин билгеләп үткәнчә, закон проекты ТР законы нигезләмәләренең федераль законнарга туры килүен тәэмин итүгә юнәлдерелгән. 2025 елның 17 ноябрендәге федераль закон белән региональ сак органнарына өстәмә вәкаләтләр бирү өлешендә үзгәрешләр кертелгән. Күрсәтелгән органнарның вәкаләтләренә 2026 елның 1 июненнән төбәк һәм муниципаль әһәмияттәге мәдәни мирас объектларына карата торак төзелешенең бердәм мәгълүмат системасына белешмәләр кертү кертелгән. Мәгълүмат системасы «ДОМ.РФ» ГАҖ тарафыннан идарә ителә. закон проекты Татарстан Республикасы законына корреспондент үзгәрешләр кертүне күздә тота.

Тагын бер үзгәреш ачыкланган мәдәни мирас объекты территорияләре чикләрен раслау тәртибен билгеләү мәсьәләсенә кагыла. Федераль законда ачыкланган объект территориясе чиге мәдәни мирас объектларын саклауның региональ органы акты белән Россия Федерациясе субъекты законнарында билгеләнгән тәртиптә раслана дип билгеләнә. “Шуңа бәйле рәвештә, закон проекты белән Татарстан Республикасы Министрлар Кабинетына мондый тәртипне билгеләү вәкаләте, ә мәдәни мирас объектларын саклау буенча Татарстан Республикасы комитетына мондый чикләрне раслау вәкаләте бирү тәкъдим ителә", - дип белдерде Иван Гущин.

Тагын бер үзгәреш республика законына «мәдәни мирас объектларын саклауның берләштерелгән зонасы» формулировкасының файдаланыла торган өлешендә төгәлләштерүләр кертүне күздә тота. Хәзерге вакытта федераль законда «мәдәни мирас объектларын саклауның берләштерелгән зонасы» термины «мәдәни мирас объектларының бердәй саклау зонасы, төзелеш һәм хуҗалык эшчәнлеген җайга салуның бердәй зонасы һәм саклана торган табигать ландшафтының бердәй зонасы» төшенчәсенең кыскартылмасы булып тора.