Бүген Казанның Ямашев урамындагы йорт ишегалдында Бөек Ватан сугышы ветераннары һәм тыл хезмәтчәннәренә бәйрәм концерты куйдылар. Бәйрәмгә фашист концлагерьларе тоткыны, тыл хезмәтчәне Зәйтүнә Хөсәенова, Ленинград камалышында калучылар Зинаида Бушуева, Валентина Красюк, Козета Ивановалар чыкырылган иде. Ветераннарны якынлашып килүче Җиңү көне белән Дәүләт Советы депутатлары Ольга Воронова һәм Руслан Шиһабеддинов котладылар.

Зәйтүнә Борһановнаның әти-әнисе Бөек Ватан сугышы башланганчы Куйбышев районының Ямбухта авылында яшәгән. 1940 елда, Финляндия белән сугыштан соң, финнар СССРга зур территория бирә.  Ул вакытта Совет хөкүмәте буш җирләрне үзләштерү өчен халыкны күчерү сәясәтен алып барган, нигездә эшкә сәләтле күп балалы гаиләләрне сайлаганнар. Ямбухтино авылыннан чакыру буенча 19 гаилә Карело-Фин ССРына күченгән.

Бөек Ватан сугышы башлангач, барлык ир-атларны фронтка алып китәләр. Картлар, хатын-кызлар һәм балалар гына кала. Зәйтүнә Хөсәенованың әтисе әйләнеп кайтмый, хәбәрсез югала. 1941 елның 8 августында хутор фин гаскәрләре тарафыннан басып алына. Ул чакта Зәйтүнә ханымның әнисе йөкле була. Аны балалар һәм авылның башка кешеләре белән бергә Тааветти концлагерына алып китәләр.

Биш ел гаилә начар шартларда яши, могҗиза белән генә исән калалар. Аннары ике еллык сайлап алу лагерендә булалар, һәм бары тик 1947 елда гына гаилә туган ягына кайта ала. Бу вакыйгаларны Зәйтүнә Хөсәенова күз яшьләре белән искә ала. Бүген Зәйтүнә Борһан кызы – республиканың концлагерьнед балигъ булмаган тоткыннары җәмгыяте, шулай ук концлагерьнең балигъ булмаган тоткыннары җәмгыятенең Яңа Савин районыны буенча оешмасы рәисе.

"Җиңү көне – безнең өчен зур бәйрәм. Күпләр ил өчен үз гомерләрен бирде", - диде ветераннарга мөрәҗәгать итеп, РФ Дәүләт Думасы депутаты Марат Нуриев. Ул ветераннарны бәйрәм белән котлады, озын гомер һәм тыныч күк йөзе теләде. «Без үз тарихыбызны, якты киләчәгебез өчен гомерләрен биргән кешеләрне хөрмәт итәргә тиеш", – дип ассызыклады Дәүләт Советының социаль сәясәт комитеты рәисе урынбасары Ольга Воронова. Аның сүзләренә караганда, 9 Май – илебез өчен иң мөһим көн.

Дәүләт Советы депутаты, Татарстанның «Яшь гвардия» төбәк штабы җитәкчесе Руслан Шиһабеддинов билгеләп үткәнчә 9 нчы май алдыннан мондый чара ел саен үткәрелә. Кызганычка каршы, хәзер кайбер Көнбатыш илләре тарихны яңача күрсәтергә тырыша, Советлар Союзының 25 миллион кешесе үзен корбан итеп фашизмны Җиңүгә хәлиткеч өлеш кертүен исәпкә алмыйча, яшь буын Җиңү бәясен  онытырга тиеш түгел", - диде Руслан Шиһабеддинов.

Чараны «Бердәм Россиянең Яшь Гвардия» бөтенроссия иҗтимагый оешмасының Татарстан төбәк бүлеге, партиянең Казан җирле бүлеге һәм Казан дәүләт мәдәният институты белән берлектә оештыра. Бәйрәм концертында ветераннарга чәчәкләр һәм бүләкләр, шулай ук Татарстан рәисе һәм Казан мэры имзалаган котлау открыткалары тапшырылды.