Дәүләт Советы Рәисе вазыйфаларын башкаручы Марат Әхмәтов герой-шагыйрь Муса Җәлил һәйкәленә чәчәкләр салды, ул Минзәлә шәһәрендә шул ук исемдәге паркта урнашкан. Тантаналы чара 2026 елның истәлекле датасына – Бөек Ватан сугышы елларында әсирлеккә эләгеп каршылык күрсәтү төркеме оештырган күренекле татар шагыйре, журналист һәм хәрби хәбәрче, Советлар Союзы Героеның  тууына 120 ел тулуга багышлана.

Геройның исеме Минзәлә районы тарихы белән тыгыз бәйләнгән. Муса Җәлил Минзәләдә хәрби-сәяси курсларда укыган. Әлеге курслар урнашкан бинада бүген Муса Җәлил исемен йөртүче Минзәлә педагогика көллияте урнашкан. Көллияттә шагыйрьнең мемориаль музее эшли.

Минзәләдә Муса Җәлилгә һәйкәл шәһәрнең үзәк паркында 1978 елда ачылган булган, ә тугыз  ел элек, 2017 елда, парк территориясендә масштаблы реконструкция уздырганнар һәм яңа һәйкәл куйганнар, аның авторы – скульптор Александр Аполлонов.

Чәчәк салу тантанасында шулай ук Минзәлә районы башлыгы Айдар Сәлахов һәм Татарстан Республикасы Авыл хуҗалыгы һәм азык-төлек министры Марат Җәббаров катнашты.