Депутатларның сайлау округларында эше дәвам итә. Бу атнада парламентарийлар гражданнарны кабул итте, сайлаучылар белән очрашты, республиканың балалар-сәламәтләндерү лагерьларында булды.

23 июльдә Мәгариф, мәдәният, фән һәм милли мәсьәләләр комитеты рәисе урынбасары Ирина Терентьева Яшел Үзән районына эш сәфәре кылды, анда ул гражданнарны кабул итте.

21 июльдә Социаль сәясәт комитеты рәисе урынбасары Ольга Воронова «Бердәм Россия» партиясенең Идел буе районындагы иҗтимагый кабул итү үзәгендә гражданнарны кабул итте. Депутатка  казанлылардан 10 мөрәҗәгать кергән. Алар торак шартларын яхшыртуга, балаларны гомуми белем бирү мәктәпләренә һәм өстәмә белем бирү учреждениеләренә урнаштыруда ярдәм итүгә, балалар бакчасына капиталь ремонт ясауга һәм балалар мәйданчыгын төзекләндерүгә, күп балалы гаиләләргә ташламалар бирүгә һәм башка мөһим мәсьәләләргә кагыла. Ольга Воронова барлык мөрәҗәгатьләрне шәхси контроленә алды.

21 июльдә Дәүләт Советы депутаты Ренат Вәлиуллин эш сәфәре белән Лениногорск районында булды. Анда ул «Бердәм Россия» партиясенең Лениногорск җирле бүлекчәсендә гражданнарны кабул итте. Кабул итү барышында муниципалитет халкы депутатка социаль ярдәм, спорт инфраструктурасын төзекләндерү һәм үстерү мәсьәләләре белән мөрәҗәгать итте. Аерым алганда, Ренат Вәлиуллин Лениногорскида шәһәр спортын үстерү активистларының тәкъдимен карады, халык белән очрашу вакытында спортчыларны җәлеп итү, күнекмәләр өчен  мәйданчыклар булдыру һәм киләчәктә ярышлар уздыру турында фикер алыштылар. Барлык мөрәҗәгатьләр дә шәхси контрольгә алынды. Моннан тыш, сәфәр барышында депутат «Олимпия» балаларны сәламәтләндерү учреждениесендә булды, анда 18 көн дәвамында яшь акробатлар, көрәшчеләр, боксчылар һәм җиңел атлетлар өчен спорт җыеннары уза. Ренат Вәлиуллин лагерьда тәрбияләнүчеләр белән ватанпәрвәрлек, әхлак, сәламәт яшәү рәвеше мәсьәләләренә багышланган ачык дәрес үткәрде.

21 июльдә Татарстан Дәүләт Советы депутаты Марат Бариев эш сәфәре белән Менделеев районына килде, анда район башлыгы Роберт Искәндәров белән бергә гражданнарны кабул итте. Депутатка СВОда  катнашучыларның гаилә әгъзалары йорт түбәсен ремонтлауда тиешле  ярдәм күрсәтүне сорап мөрәҗәгать итте. Шулай ук Монай авылы халкы юл салуны тизләтүне сорады. Объектны 2027 елга программага кертү планлаштырыла. Моннан тыш, Марат Бариев социаль һәм туристлык объектларында булды.

20 июльдә Экология, табигатьтән файдалану, агросәнәгать һәм азык-төлек сәясәте комитеты рәисе урынбасары Нәҗип Хаҗипов эш сәфәре белән Азнакай районына барды. Депутат Азнакай районы башлыгы Марсель Шәйдуллин һәм муниципалитет Башкарма комитеты җитәкчесе Айдар Шәмсетдинов белән очрашты. Очрашу барышында мәгариф учреждениеләрен яңа уку елына әзерләү мәсьәләләренә аерым игътибар бирелде. Нәҗип Хаҗипов «Игелек» проекты кысаларында «Мәрхәмәтле Азнакай» социаль һәм мәдәни инициативалар үзәген ачуда катнашты.  Моннан тыш, ул «Бердәм Россия» партиясенең җирле бүлегендә гражданнарны кабул итте. Халык депутатка авыл клубын ремонтлау, фатирлар хуҗаларына үзләренә тиешле өлешне рәсмиләштерү һәм ташламалар билгеләү өчен белешмәләр алу тәртибе белән мөрәҗәгать итте. Депутат барлык мөрәҗәгатьләрне шәхси контрольгә алды.

17 июльдә Дәүләт Советы депутаты Камил Гыйльманов Ютазы районында булды. Сәфәр барышында парламентарий район башлыгы Аяз Шәфигуллин белән очрашты, анда районның социаль-икътисади үсешенә кагылышлы актуаль мәсьәләләр буенча фикер алыштылар. Депутат шулай ук гражданнарны кабул итте. Ютазы авылы һәм Урыссу бистәсендә яшәүчеләр «Россия Почтасы» эшенә зарлана.  Почта бүлекчәләренең җирле бүлекчәләре ябыла. Халык сүзләренә караганда, пенсия яшендәге гражданнар коммуналь хезмәтләр өчен вакытында түли алмый, посылкаларны җиткерү озакка сузыла, заказлы корреспонденцияне җибәрү һәм алу белән бәйле өзеклекләр килеп чыга. Шулай ук депутатка ташламалы ипотека программаларына гаризалар биргәндә гаиләнең күмәк керемнең дөрес исәпләнмәвенә шикаять белән яшь гаиләләр мөрәҗәгать итте. Шул сәбәпле күп парлар дәүләт ярдәменә хокукларын югалта диләр.  Депутат барлык мөрәҗәгатьләрне шәхси контрольгә алды. Моннан тыш, Камил Гилманов төзекләндерелүче социаль объектларда булды, аларның республика көненә ачылуга әзерлеген тикшерде.

15 июльдә Социаль сәясәт комитеты рәисе Алексей Созинов эш сәфәре белән Мамадыш районына барды, анда ул «Кама», «Регина» һәм «Берсут» балаларны савыктыру лагерьлары эше белән танышты. Ул корпусларны, ашханәне, дәресләр өчен залларны карады, укытучылар һәм лагерьда ял итүче балалар белән аралашты.