Яңалыклар

Бүген Казанда ел саен үткәрелә торган «Коррупциясез Татарстан» форумы узды, анда Дәүләт Советы депутатлары, хакимият органнары вәкилләре, югары уку йортлары ректорлары, җәмәгать эшлеклеләре һәм дини конфессияләр вәкилләре коррупциягә каршы тору мәсьәләләре буенча фикер алыштылар. Форумда Дәүләт Советы Рәисе урынбасары Марат Әхмәтов катнашты.

Бүген Чебоксар шәһәрендә (Чуваш Республикасы) узган Идел буе федераль округы субъектларының дәүләт хакимияте Закон чыгару (вәкиллекле) органнары ассоциациясенең җитмешенче, юбилей утырышында авыл халкына медицина ярдәменнән файдалану һәм инициативалы бюджетлаштыру мәсьәләләре буенча фикер алыштылар. Моннан тыш, парламентарийлар Ассоциациянең 2024 елга эш планын раслады. Утырышта Дәүләт Советы Рәисе Фәрит Мөхәммәтшин катнашты.

Дәүләт Советы Рәисе Фәрит Мөхәммәтшин Владимир Путинның Россия Президенты вазифасына яңа срокка дәгъва кылу карарын хуплады.

Дәүләт Советы депутатларының округларда эше дәвам итә. Бу атнада парламентарийлар гражданнарны кабул иттеләр, Буа драма театрын ачуда катнаштылар, Инвалидлар декадасы кысаларында социаль учреждениеләрдә булдылар, махсус хәрби операция зонасына гуманитар йөк җибәрделәр.

Бүген Законлылык һәм хокук тәртибе комитеты утырышы булды, анда депутатлар Кеше хокуклары буенча вәкаләтле вәкилнең "ТРда гражданнар мөрәҗәгатьләре турында" мәгълүматын, республикада җәмәгать юстициясен үстерү турында ТР Югары Суды мәгълүматын тыңладылар һәм берничә закон проектын карадылар.

Бүген Дәүләт Советында узган матбугат конференциясендә республика закон проектларына коррупциягә каршы экспертиза үткәрү турында сүз барды. Журналистлар сорауларына Законлылык һәм хокук тәртибе комитеты рәисе Шакир Яһудин, ТР юстиция министры Рөстәм Заһидуллин һәм парламент комитеты рәисе урынбасары Александр Чубаров җавап бирде.

Бүген Дәүләт Советының кече залында Казан федераль университетының дәүләт һәм муниципаль идарә югары мәктәбендә «Яңа эшли башлаган хезмәткәр мәктәбе» программасы буенча квалификация күтәрү курсларын узучы республика министрлыкларыннан һәм ведомстволарыннан, муниципалитетлар аппаратларыннан дәүләт һәм муниципаль хезмәткәрләр өчен семинар узды. Дәүләт Советы Секретаре Лилия Маврина курс тыңлаучыларына республика парламентының башкарма һәм муниципаль хакимият органнары белән хезмәттәшлеге, шулай ук Татарстанда җирле үзидарә структурасы турында сөйләде.

Бүген «Бердәм Россия» партиясе мәйданчыгында 2023 елда мәктәпләргә капиталь ремонт программасын гамәлгә ашыруга беренче нәтиҗәләр ясалды. Киңәшмәдә видеоэлемтә режимында Дәүләт Советы Рәисе, «Бердәм Россия» Бөтенроссия сәяси партиясенең Татарстан төбәк бүлеге Секретаре Фәрит Мөхәммәтшин катнашты.

Бүген Казанда көн дәвамында инвалидлар декадасына багышланган «Хатын-кызлар игътибары» телефон линиясе эшләде. Кайнар линияне үткәрү тәкъдиме Дәүләт Советының «Мәрхәмәт – Милосердие» депутатлар берләшмәсе әгъзалары Татарстан Республикасында Кеше хокуклары буенча вәкаләтле вәкил белән берлектә чыккан иде.

Бүген Дәүләт Советында тантаналы шартларда республиканың төрле районнарындагы суд участокларына сайланган җәмәгать судьяларына таныклыклар тапшырылды. Дәүләт Советы Рәисе Фәрит Мөхәммәтшин кулыннан 18 җәмәгать судьясы хезмәт таныклыгы алды.