28 октябрьдә КПРФ фракциясе әгъзалары Хафиз Миргалимов һәм Фадбир Сафин “Кояшлы шәһәр” торак комплексында булдылар. Алар микрорайонда яшәүчеләрнең инициатив төркеме вәкилләре белән бергә комплексның проблемалы мәсьәләләре турында фикер алыштылар.

Әлеге микрорайонга сәфәр “Кояшлы шәһәр” торак комплексы мисалында 2021 елның февралендә парламентта КПРФ фракциясе тарафыннан үткәрелгән территорияләрне комплекслы төзекләндерү турында” дигән түгәрәк өстәл резолюциясен үтәү кысаларында узды.

Микрорайонда КПРФ фракциясе депутатлары, төзелеш, сәламәтлек саклау һәм мәгариф министрлыклары вәкилләре белән бергә халык проблемалары белән танышты. Шуларның иң зурысы - торак йортлар төзелешенең гадәттән тыш тыгызлыгы, социаль инфраструктура, шул исәптән мәктәпләр, балалар бакчалары, поликлиникалар һәм хастаханәләр, автопарковкалар, балалар мәйданчыклары, парклар һәм яшел территорияләр, урамнарны яктырту, урам эчендәге юллар һәм машина юллары булмау.

Инициатив төркем әгъзалары Дәүләт Советы депутатларына территориядә төзелешкә кагылышлы микрорайон проблемаларын хәл итү, мәгариф һәм инфраструктура объектлары җитмәүгә кагылышлы тәкъдимнәрен тапшырдылар.

КПРФ фракциясе җитәкчесе Хафиз Миргалимов микрорайонда яшәүчеләрнең проблемаларын хәл итү буенча Дәүләт Советы тарафыннан үткәрелә торган эш турында сөйләде. Инициатив төркем әгъзаларыннан кирәкле документлар һәм тәкъдимнәр әзерләүләрен сорагач, ул фракциянең аларны Түгәрәк өстәл форматында карау планнары турында хәбәр итте - ул ноябрьдә республика министрлыклары һәм Казан шәһәр хакимияте вәкилләре катнашында узачак.