Татарстан Республикасы Дәүләт Советы Секретаре Лилия Маврина КФУның Дәүләт һәм муниципаль идарәсе югары мәктәбенең "Дәүләт хезмәтенә кереш" дип аталган квалификация күтәрү программасын тыңлаучылар өчен дәрес үткәрде.                                                                                                                                                                                                                                                                                                                                                        

Парламент Секретаре республика закон чыгару хакимияте югары органының  төп принциплары, парламентның составы һәм структурасы, депутатларның  вәкаләтләре турында сөйләде.

Тыңлаучылар парламент үзәгендә пленар утырышлар залында булдылар, республикабызда халык хакимиятенең барлыкка килүе һәм үсеше тарихына багышланган музей экспозициясе белән таныштылар.