Дәүләт Советы депутатлары «Шәһәр төзелеше эшчәнлеге турында» республика законына үзгәрешләр кертү хакында» закон проектын беренче укылышта һәм тулаем кабул иттеләр. Закон проекты Торак сәясәте һәм инфраструктура үсеше комитеты рәисе Александр Тыгин тарафыннан тәкъдим ителде.

"РФ Шәһәр төзелеше кодексына һәм Россия Федерациясенең аерым закон актларына үзгәрешләр кертү турында» 2021 елның 30 декабрендәге Федераль закон белән Россия Федерациясе Шәһәр кодексына тулысынча яисә өлешчә Россия Федерациясе бюджет системасы бюджетлары акчалары исәбеннән төзелә, реконструкцияләнә торган төгәлләнмәгән төзелеш объектларын төгәлләнмәгән капиталь төзелеш объектларына кертү өлкәсендәге мөнәсәбәтләрне җайга сала торган бүлек  өстәлгән.

«Яңа институт капиталь төзелеш объектларын төзелеп бетмәгән объектларга кертү тәртибен һәм нигезләрен билгели, - дип аңлатты комитет рәисе. - Мондый нигезләргә, аерым алганда, мондый объект урнашкан җир кишәрлеген арендалау яисә түләүсез файдалану срогы тәмамлануга кагылышлы мәсьәләләр кертелгән».

Моннан тыш, яңа тәртип һәм нигезләрне субъектның норматив акты киңәйтергә дә мөмкин. Мондый вәкаләтне Татарстан Республикасы Министрлар Кабинетына беркетергә тәкъдим ителә.

Шулай ук төгәлләнмәгән төзелеш объекты аның турында белешмәләр төгәлләнмәгән объектларның төбәк реестрына кертелгән көннән шундый дип таныла. Мондый реестрны формалаштыру һәм алып бару тәртибе Татарстан Республикасы Хөкүмәте тарафыннан билгеләнәчәк.

Закон проекты барлык кирәкле килештерү процедураларын үткән һәм комитет тарафыннан хупланган. "Татарстан Республикасы шәһәр төзелеше эшчәнлеге турында" республика законына үзгәрешләрне парламентарийлар бертавыштан хуплады.