Бүген Дәүләт Советында Мәгариф, фән һәм милли мәсьәләләр комитеты рәисе урынбасары Людмила Рыбакова “Югары икътисад мәктәбе” тикшеренү университеты вәкилләре белән очрашты. Яклар дини белем бирү программаларын гамәлгә ашыру мәсьәләләре буенча фикер алышты.

Университет делегациясе Казанга Ислам мәгарифе программаларын гамәлгә ашыру тәҗрибәсен өйрәнү һәм Югары икътисад мәктәбенең эксперт-академик бергәлеге һәм дини мәгариф учреждениеләре арасында диалог төзү максатыннан килгән. Визит кысаларында чарада катнашучылар Россия Ислам институтында, мөселманнарның Диния нәзарәтендә, Казан федераль университетында булдылар, ТР Мәгариф һәм фән министрлыгы вәкилләре белән очраштылар.

 «Мы обсудили вопросы, касающиеся законодательного регулирования в части религиозного образования, - сказала Людмила Рыбакова, - договорились о том, что необходимо провести в нашей республике встречу по данному вопросу в формате «круглого стола». Кроме того, прозвучало предложение, провести в рамках Международного экономического саммита «Россия — Исламский мир: KazanSummit»» заседание, по теме религиозного образования, с представителями профильных российских министерств и ведомств, депутатами Госдумы и сенаторами РФ».

«Без дини белем бирү буенча законнар белән җайга салына торган мәсьәләләр буенча фикер алыштык, - диде Людмила Рыбакова, - безнең республикада әлеге мәсьәлә буенча «түгәрәк өстәл» форматында очрашу уздырырга кирәклеге турында килештек. Моннан тыш, «Россия - Ислам дөньясы: KazanSummit» Халыкара икътисадый саммиты кысаларында дини белем бирү темасы буенча Россиянең әлеге юнәлештә эшләүче  министрлыклары һәм ведомстволары, Дәүләт Думасы депутатлары һәм РФ сенаторлары вәкилләре белән киңәшмә үткәрү тәкъдиме яңгырады.

Очрашу барышында кунаклар шулай ук Дәүләт Советы эше белән таныштылар, парламент үзәгендә, китапханәдә һәм парламентаризм музеенда булдылар.