Бүген Дәүләт Советы утырышында депутатлар «Татарстан Республикасында шәһәр төзелеше эшчәнлеге турында» Татарстан Республикасы Законының 18 статьясына үзгәрешләр кертү хакында» Татарстан Республикасы законы проектын Торак сәясәте һәм инфраструктура үсеше комитеты рәисе Александр Тыгин тәкъдим итте.

Закон проектының асылын аңлатып, Александр Тыгин закон проектында тикшерүне гамәлгә ашыру срогының 15 эш көненнән 10 эш көненә кадәр кыскарту күздә тотыла дип хәбәр итте. ТР Төзелеш, архитектура һәм торак-коммуналь хуҗалыгы министрлыгы территорияне планлаштыру документларын шәһәр төзелеше таләпләренә туры китерү, шулай ук мондый документларны ТР башкарма хакимияте органнары белән килештерү срогының 10 эш көненнән 7 гә кадәр кыскарту күздә тотыла. "Тәкъдим ителгән үзгәрешләр күрсәтелгән срокларны РФ Шәһәр төзелеше кодексының 45 статьясында билгеләнгән РФ субъекты башкарма хакимиятенең вәкаләтле органнары тарафыннан гамәлгә ашырыла торган территорияне планлаштыру документларын тикшерү сроклары белән килештерүгә юнәлдерелгән", - диде парламентарий.

Дәүләт Советы закон проектын беренче һәм өченче укылышта кабул итте.