Бүген Дәүләт Советында «Татарстан - яңа гасыр» депутатлар төркеме җыелышы булды, анда парламентарийлар 2023 елның II кварталында депутатлар төркеменең эш планы турында фикер алыштылар. Утырышны «Татарстан - яңа гасыр»  депутат төркеме җитәкчесе Артур Габделҗанов үткәрде.

«Татарстан - яңа гасыр» депутат төркеменең 13 апрельдә булган «Яңа икътисадый вәзгыятьтә һәм импортны алыштыру шартларында Эссен Продакшн АГ» АҖ предприятиесенең системалы эшен оештыру» темасына күчмә җыелышы йомгаклары турында Артур Габделҗанов сөйләде. Күчмә җыелыш кысаларында депутатлар компаниянең Алабуга һәм Яр Чаллы шәһәрләрендә урнашкан өч җитештерү мәйданчыгында булдылар.

Депутатлар технологик процессның үзенчәлекләре һәм импортны алыштыру, кадрлар мәсьәләләре белән кызыксынды. Артур Габделҗанов билгеләп үткәнчә, депутатлар чимал, логистика, норматив-хокукый базаны үзгәртү мәсьәләләренә игътибар иттеләр.

Планнар турында сөйләгәндә, «Татарстан - яңа гасыр» республика иҗтимагый хәрәкәте башкарма комитеты рәисе Алсу Тарханова депутат төркеме әгъзаларының «Татарстан - яңа гасыр» - «Татарстан - яңа гасыр» иҗтимагый берләшмәсе белән берлектә июнь ахырында «Аҗаган» җитештерү берләшмәсе базасында күчмә утырыш уздырачакларын, анда яшь буынны патриотик тәрбияләү мәсьәләләре турында фикер алышачакларын әйтте.