Бүген, Мәскәүдә уза торган «Бердәм Россия» съезды көнендә партиянең гуманитар конвойлары барлык төбәкләрдән бер үк вакытта кузгалды. Татарстаннан бүләк әзерләүчеләр Лисичанск һәм Рубежныйның бер генә баласы да тәм-томсыз калмасын өчен тырыштылар.

Татарстан Республикасы югары уку йортлары ректорлары советы 2,9 мең данә татлы бүләк әзерләгән. Зәй районы 500 данә, ТР Мәгарифне үстерү институты 100 күчтәнәч тапшырган. Дәүләт Советы депутаты, «Бәхетле» ҖЧҖ генераль директоры Мөслимә Латыйпова алты мең яңа ел күчтәнәче  җыелмасын җибәргән.

Моннан тыш, гомуми авырлыгы йөз тонна булган алты фурдан торган колонна составында бүген беренче чиратта ЛХР халкы мохтаҗ булган иң кирәкле әйберләр бар. Аерым алганда, «Ремэк» ҖЧҖ генераль директоры Валерий Абрамов һәм «ТК сантехстройснаб» ҖЧҖ генераль директоры Алексей Прусаков  Лисичанскка һәм Рубежноега сантехникага җибәргәннәр. Йөкнең авырлыгы 750 кг.

Спас районы ун тонна такта материаллары җыйган, Биектау һәм Спас районнары ун тонна ярма җибәргән. Төзелеш материаллары белән фураны Питрәч районында әзерләгәннәр, Сарман районы 20 тонна эчә торган су җибәргән. Аксубай районында, Чаллыда һәм Идел буе дәүләт физик культура, спорт һәм туризм университетында икешәр тонна гуманитар йөк җыелган. Шулай ук колоннаны формалаштыруда Казанның Яңа Савин һәм Идел буе районнары катнашкан. Кайбыч районында 1,5 тонна кием һәм азык-төлек җыелган, Азнакай районында бер тонна азык-төлек, Социаль белем бирү академиясендә медицина кораллары һәм препаратлар җыелган, ә ТР Профсоюзлары ЛХРга принтерлар һәм канцелярия товарлары өчен картриджлар җибәргән. Казан дәүләт аграр университеты һәм Казан дәүләт ветеринария медицинасы академиясе балалар өчен азык-төлек һәм балалар подгузниклары сатып алган. Шулай ук колонна составында Рубежныйда урнашкан начар күрүчеләр интернат-мәктәбе өчен медицина җиһазлары һәм оргтехника бар.

«Ярдәм янәшә! » республика хәрәкәте тулы бер фура җибәргән. Машинада азык-төлек, көнкүреш химиясе, кием, балалар ризыгы.

Татарстаннан Лисичанскка һәм Рубежноега гуманитар ярдәм илтүдә Дәүләт Думасы депутаты Руслан Гаджиев актив катнашты.

Бүгенге колоннаны Дәүләт Советы Секретаре Лилия Маврина, Дәүләт Советы депутаты, «Бәхетле» ҖЧҖ генераль директоры Мөслимә Латыйпова, "Бердәм Россиянең Яшь гвардиясе" нең Татарстан төбәк бүлеге җитәкчесе Руслан Шиһабетдинов озаттып калдылар.

Лилия Маврина әйтүенчә, бу «Бердәм Россия»партиясенең төбәк бүлеге эгидасы астында җыелган  унтугызынчы гуманитар колонна.  Махсус хәрби операция  башланганнан алып  Татарстаннан ЛХРга 133 йөк машинасы кирәк-ярак җибәрелгән, бу ике мең тоннадан артык йөк дигән сүз.

"Татарстанда бик игелекле, бик ярдәмчел кешеләр яши. Без алга таба да  яңа төбәкләргә ярдәм итәчәкбез. Чөнки без үзебезнекеләрне беркайчан да ташламыйбыз»,  –  дип басым ясады Лилия Маврина.