Дәүләт Советының илле дүртенче утырышында җәмәгать судьяларын сайлау мәсьәләсе каралды. Кандидатлар Законлылык һәм хокук тәртибе комитеты тарафыннан хупланган иде.

Җәмәгать  судьялары итеп сайлануга кандидатларны ТР Югары Суды Рәисе вазыйфаларын башкаручы Эдуард Каминский тәкъдим итте.

Тәкъдим ителгән кандидатлар буенча профильле комитетның уңай карары белән Законлылык һәм хокук тәртибе комитеты рәисе Шакир Яһудин таныштырды.

Дәүләт Советы вәкаләтләре чикләнмичә ТР җәмәгать судьялары итеп Фәрит Шәрифуллинны (ТР Балтач суд районы буенча 2 нче суд участогына), Альбина Вилданованы (ТР Лениногорск суд районы буенча 3 нче суд участогына) һәм Камил Зариповны (ТР Казан шәһәренең Совет суд районы буенча 3 нче суд участогына) сайлады.

Парламентарийлар шулай ук Казан шәһәренең Идел буе суд районы буенча 4 нче суд участогы җәмәгать судьясы вазыйфаларын башкаруны бер елга отставкадагы судья Марина Садриевага йөкләделәр.