Алсу Нәбиева билгеләп үткәнчә, «Ватанны саклаучылар» фонды үз эшен башлаганчы, барлык мөрәҗәгатьләр һәм сораулар хатын-кыз депутатлар берләшмәсендә оештырылган СВО мәсьәләләре буенча эшче төркемгә адреслана иде. Әлегә кадәр газ белән тәэмин итү, транспорт салымыннан азат итү, түләүсез юридик ярдәм күрсәтүдә ярдәм чараларына кагылышлы күп сораулар килә.

"Казнадагы үзгәрешләр белән бәйле тәкъдимнәр күп булды. Сез беләсез, республика бюджеты башкарма хакимият органнары, шул исәптән депутатлар белән берлектә карала, СВО белән бәйле инициативалар беренче чиратта исәпкә алынды", - дип сөйләде Алсу Нәбиева.

Хәрби хәрәкәтләр зонасыннан кайткан махсус хәрби операция ветераннарының 83 проценты эшкә урнаштырылган. Бу хакта гражданнарга, махсус хәрби операциядә катнашучыларга һәм аларның гаиләләренә социаль ярдәм чараларын гамәлгә ашыруга багышланган эшләргә йомгак ясаганда «Ватан сакчылары» фондының Татарстандагы филиалы җитәкчесе Гүзәл Удачина сөйләде.