Бүген Дәүләт Советы утырышында Татарстан Экология кодексына үзгәрешләр кертә торган закон проекты беренче укылышта һәм тулаем кабул ителде. Документ нигезендә, табигый яшәү тирәлеге аучылык җирләре булган хайванның бер төре булып торучы бүре белән эт кушылмасы аучылык ресурсларына кертеләчәк. Аучылык аларның санын җайга салу максатыннан үткәреләчәк.

“Инвалидларны эшкә алу өчен эш урыннарын квоталау һәм инвалидларны, социаль яклауга аеруча мохтаҗ гражданнарны эшкә урнаштыру өчен аерым эш төрләрен (һөнәрләрне) резервлау турында” Татарстан Республикасы Законының 2 һәм 3 статьяларына үзгәрешләр кертү хакында” ТР законы проекты бүген Дәүләт Советы утырышында беренче укылышта һәм тулаем кабул ителде.

Татарстан Республикасы территориясендә алкогольсез тонус күтәрә торган эчемлекләр (шул исәптән энергетик) сатуны тыю һәм чикләү турында закон проекты беренче укылышта һәм тулаем кабул ителде.

Бүген Дәүләт Советында унҗиденче утырыш кысаларында депутатларга Министрлар Кабинетыннан гражданнарның сәламәтлеге торышы турында мәгълүмат бирелде. Әлеге мәсьәлә буенча доклад белән республиканың сәламәтлек саклау министры Альмир Абашев чыгыш ясады.