Бүген Дәүләт Советында Бюджет, салымнар һәм финанслар комитеты утырышы булды, анда депутатлар региональ инвестиция проектларын гамәлгә ашырганда салым салуның аерым мәсьәләләрен җайга салу турындагы республика законнарына үзгәрешләр кертү, салым салуның гадиләштерелгән системасын кулланучы салым түләүчеләр өчен салым ставкаларын билгеләү турындагы закон проектлары турында фикер алыштылар, шулай ук комитетның 2024 елгы эшенә йомгак ясадылар (җиденче чакырылыш башыннан),  киләсе елга эш планын расладылар. Утырышта ТР Рәисе ярдәмчесе, ТР Рәисенең Дәүләт Советындагы тулы вәкаләтле вәкиле Тимур Нагуманов катнашты.

Төбәк инвестиция проектларын гамәлгә ашырганда салым салуның аерым мәсьәләләрен җайга салу турындагы республика законының 2 һәм 5 статьяларына үзгәрешләр кертү турындагы закон проектын Татарстан Республикасы Икътисад министрының беренче урынбасары Наталья Кондратова тәкъдим итте. Ул билгеләп үткәнчә, федераль законнар табышка салым ставкасын 20 дән 25% ка кадәр күтәрүне күздә тота. Шулай ук 50-500 млн сумлык капитал салулар күләме булган төбәк инвестиция проектларында катнашучылар өчен 2026 елның 31 декабреннән соң түбәнәйтелгән салым ставкасын куллануны чикләү бетерелә.

 «Шундый ук үзгәрешләрне «Татарстан Республикасы территориясендә региональ инвестиция проектларын гамәлгә ашырганда салым салуның аерым мәсьәләләрен җайга салу турында»  республика законына кертергә тәкъдим ителә»,  –  дип йомгаклады сүзен Наталья Кондратова.

Комитет утырышында шулай ук салым салуның гадиләштерелгән системасын кулланучы салым түләүчеләр өчен салым ставкаларын билгеләү турындагы республика законының 2 статьясына үзгәрешләр кертү хакындагы закон проекты каралды. Закон проекты тарафыннан эшкәртү производствосы, электр энергиясе, газ һәм су җитештерү һәм бүлү, төзелеш кебек эшчәнлек төрләре буенча «керем - чыгымнар» гадиләштерелгән салым салу системасын кулланучы салым түләүчеләр өчен 5% күләмендә салым ташламаларының гамәлдә булуын бер елга, 2026 елның 1 гыйнварына кадәр озайту күздә тотыла.

Утырышта депутатлар Бюджет, салымнар һәм финанс комитетының 2024 елның 2 яртыеллыгындагы эшенә йомгак ясадылар, шулай ук комитетның 2025 елга һәм 2025 елның беренче кварталына эш планы турында фикер алыштылар һәм кабул иттеләр.

Икенче яртыеллыкта комитетның 5 утырышы, эш төркеменең 1 утырышы, 4 эш киңәшмәсе, шул исәптән Татарстан икътисадына финанс чараларын җәлеп итү буенча киңәшмә уздырылган, анда ТР Рәисе, ТР Дәүләт Советы Рәисе, Россия Федерациясе сенаторлары һәм Дәүләт Думасы депутатлары, республика башкарма хакимият органнары җитәкчеләре катнашкан.