Бүген Тверь өлкәсе Закон чыгару Җыелышы депутатлары Татарстанда «Бердәм Россия»нең иҗтимагый теләктәшлек штабында булдылар, анда «Бердәм Россия» партиясенең региональ иҗтимагый кабул итү бүлмәсе эше һәм штабның социаль проектлары белән таныштылар, шулай ук «Герой атасы» күргәзмәсен карадылар. Төбәк Закон чыгару Җыелышы депутатларын ТР Дәүләт Советы Рәисе урынбасары Юрий Камалтынов озата йөрде.

«Бердәм Россия» партиясенең төбәк кабул итү бүлмәсендә Тверь парламенты депутатлары партия программаларын гамәлгә ашыру нәтиҗәләре, гражданнар белән эшне оештыру, партия оешмасының коммерцияле һәм коммерцияле булмаган иҗтимагый оешмалар белән үзара хезмәттәшлеге турында кызыксындылар.

Күргәзмәне «Бердәм Россия» партиясенең Татарстан төбәк бүлеге, «Ватанны саклаучылар» дәүләт фондының Татарстан Республикасы филиалы, «Әтиләр союзы» һәм «Хәрби хезмәткәрләрнең офицер хатыннары һәм гаиләләре Союзы» федераль иҗтимагый оешмаларының Татарстан бүлекчәләре оештырды.