Дәүләт Советында Законлылык һәм хокук тәртибе комитеты һәм комитет каршындагы Эксперт советы утырышы булды, анда 2026 елга һәм 2027 һәм 2028 елларның план чорына Татарстан Республикасы бюджеты турындагы закон проекты каралды. Моннан тыш, утырышта катнашучылар җәзаларны үтәүче учреждениеләрдә һәм тикшерү изоляторларында законлылык һәм хокук тәртибен тәэмин итү чаралары турында фикер алыштылар. Утырыш эшендә Дәүләт Советы Рәисе урынбасары Юрий Камалтынов һәм Татарстан Рәисе ярдәмчесе, Татарстан Республикасы Рәисенең Дәүләт Советындагы тулы вәкаләтле вәкиле Александр Терентьев катнашты.

«2026 елга һәм 2027 һәм 2028 елларның планлы чорына Татарстан Республикасы бюджеты турында» ТР законы проектын карау кысаларында депутатларга республика икътисад министрының беренче урынбасары Олег Пелевин һәм ТР финанслар министры урынбасары Гела Герасимова докладлары тәкъдим ителде.

Олег Пелевин билгеләп үткәнчә, 2026 елда Татарстан Республикасының тулай төбәк продукты күләме, фаразлар буенча, алдагы елга карата чагыштырма бәяләрдә 102,1% тәшкил итәчәк, 2026 елда – 102,3%, 2027 елда – 102,4%. 2026 елда тулаем төбәк продукты күләме 5 трлн 783 млрд сум тәшкил итәчәк. Олег Пелевин әйтүенчә, республика икътисады структурасында иң зур өлешне сәнәгать алып тора. 2026 елда сәнәгать җитештерүе индексы үсеш белән фаразлана – 2026 елда – 101,7%, 2027 елда – 102%, 2028 елда –102,2%.

Гела Герасимова комитет эшчәнлегенең юнәлешләренә кагылышлы бүлекләр буенча республика бюджетының төп параметрлары турында сөйләде. Аерым алганда, сүз «Милли оборона», «Милли куркынычсызлык һәм хокук саклау эшчәнлеге» кебек бүлекләр, шулай ук «Гомумдәүләт мәсьәләләре» бүлегенең «Суд системасы» бүлекчәләре турында бара.

«Милли оборона» бүлеге буенча 2026 елга берләштерелгән бюджет чыгымнары 63,8 млн сум күләмендә планлаштырылган.

«Милли куркынычсызлык һәм хокук саклау эшчәнлеге» бүлеге буенча 2026 елга берләштерелгән бюджет чыгымнары 4,123 млрд сум, шул исәптән республика бюджеты чыгымнары - 2,9 млрд сум, җирле бюджетлар чыгымнары – 1,161 млрд сум.

«Суд системасы» бүлекчәсе буенча 2026 елда 1,221 млрд сум күләмендә акча каралган.

Законлылык һәм хокук тәртибе комитеты әгъзалары бюджет турындагы закон проектын хуплады һәм бу мәсьәләне Дәүләт Советының чираттагы утырышы көн тәртибенә кертергә тәкъдим итте.

Бүген үк комитет утырышында җәзаны үтәүче учреждениеләрдә һәм тикшерү изоляторларында законлылык һәм хокук тәртибен тәэмин итү мәсьәләсе каралды. Бу мәсьәлә буенча белән РФ Җәзаларны үтәү федераль хезмәте идарәсенең ТР буенча идарәсе башлыгы урынбасары Эльдар Аллахвердиев чыгыш ясады.

Хәзерге вакытта Татарстанда Җәзаларны үтәү федераль хезмәте идарәсенең 29 учреждениесе урнашкан, алар арасында – гомуми режимлы 3 төзәтү колониясе һәм шул ук санда – катгый режимлы төзәтү колониясе, шулай ук 5 тикшерү изоляторы. Шикләнелүчеләр, гаепләнүчеләр һәм хөкем ителүчеләр саны 5695 кеше тәшкил итә.

Депутатлар 2025 елның 9 аенда Җәзаларны үтәү федераль хезмәте идарәсе учреждениеләре территориясендә махсус контингент тарафыннан кылынган 10 җинаять (узган елның шул ук чорында – 17) теркәлүгә аерым игътибар юнәлттеләр. Нәтиҗәдә 10 (узган ел - 17) шикләнелүчегә, гаепләнүчегә һәм хөкем ителүчегә карата җинаять эшләре кузгатылган.