Бүген сәгать унда җиденче чакырылыш Дәүләт Советының унсигезенче утырышы, язгы сессиядә беренчесе, ачылды.  Президиум утырыш каравына 24 мәсьәлә тәкъдим иткән иде, шул исәптән 11 республика законы проекты һәм 5 федераль закон проекты.

Татарстан Республикасы законнары проектлары барысы да беренче укылышка әзерләнгән, мәгариф турында, транспорт салымы турында, оешмалар мөлкәтенә салым турында, гражданнарның сәламәтлеген саклау өлкәсендәге аерым мәсьәләләрне җайга салу турында, эш урыннарын квоталау турында законнарга, шулай ук Җир кодексына үзгәрешләр кертүне күздә тоталар.

Унсигезенче утырышта республика буенча Эчке эшләр министрының 2025 елда полиция эшчәнлеге турындагы хисабын, Татарстан Республикасында Кеше хокуклары буенча вәкаләтле вәкилнең узган елдагы эшчәнлеге турындагы докладын, шулай ук 2030 елга кадәр Казан (Идел буе) федераль университетын үстерү программасын гамәлгә ашыру һәм 2025 елда Татарстан Республикасының социаль-икътисадый үсешенә өлеш кертү хакында хисабын карау планлаштырыла.

Моннан тыш, булачак утырышта республиканың унбер җәмәгать судьясын сайлау өчен кандидатуралар карау планлаштырыла. «Хөкүмәт сәгате» кысаларында республика Премьер-министры урынбасары, Татарстан икътисад министры Мидхәт Шаһиәхмәтовның 2025 елда Татарстан Республикасында партнерлык финанславы экспериментын гамәлгә ашыру нәтиҗәләре турында мәгълүматы тәкъдим ителәчәк.

Бу елның 12 гыйнварында Дәүләт Советы депутаты Азат Җиһаншин республика Рәисе Указы белән Татарстан Республикасы Экология һәм табигый байлыклар министры итеп билгеләнде. Шуңа бәйле рәвештә унсигезенче утырышның көн тәртибенә Азат Җиһаншинның депутат вәкаләтләрен вакытыннан алда туктату һәм Экология, табигатьтән файдалану, агросәнәгать һәм азык-төлек комитеты составын үзгәртү мәсьәләләре кертелә.

Хисап палатасы турындагы закон нигезендә парламентның Бюджет, салымнар һәм финанс комитеты «Татарстан Республикасы Хисап палатасына йөкләмә турында» Дәүләт Советы карары проектын әзерләгән. Дәүләт Советы республика Хисап палатасына 2023-2025 елларда заманча (уңайлы) шәһәр мохитен булдыруга юнәлдерелгән чараларны гамәлгә ашыруга бүлеп бирелгән бюджет акчаларыннан файдалану нәтиҗәлелегенә,  шулай ук торак шартларын яхшыртуга гражданнарга дәүләт ярдәме чараларының нәтиҗәлелегенә аудит уздыруны йөкләячәк.            

   Профильле комитетлар рәисләре көн тәртибенә өстәмә сораулар кертү тәкъдиме белән чыктылар. Фикер алышу нәтиҗәсендә Дәүләт Советының унсигезенче утырышының көн тәртибе киңәйде һәм 28 мәсьәләне кертеп расланды:

1. 2025 елда полиция эшчәнлеге турында Татарстан Республикасы буенча Эчке эшләр министры хисабы.

2. Җиһаншин Азат Илдус улының Татарстан Республикасы Дәүләт Советы депутаты вәкаләтләрен вакытыннан алда туктату турында.

3. Татарстан Республикасы Дәүләт Советының Экология, табигатьтән файдалану, агросәнәгать һәм азык-төлек сәясәте комитеты составындагы үзгәреш турында.

4. Татарстан Республикасы җәмәгать судьяларын сайлау турында.

5. 2025 елда Татарстан Республикасында Кеше хокуклары буенча вәкаләтле вәкил эшчәнлеге турында доклад.

6. «Өстенлек-2030» стратегик академик лидерлык программасы кысаларында 2021 – 2030 елларга «Казан (Идел буе) федераль университеты» федераль дәүләт автоном югары белем бирү мәгариф учреждениесен үстерү программасын гамәлгә ашыру турында һәм 2025 елда Татарстан Республикасының социаль-икътисадый үсешенә өлеш кертү хакында хисап.

7. «Мәгариф турында» Татарстан Республикасы Законына үзгәрешләр кертү хакында» 156-7 номерлы Татарстан Республикасы законы проекты турында (I укылыш).

8. «Транспорт салымы турында» Татарстан Республикасы Законының 6 статьясына үзгәрешләр кертү хакында» 155-7 номерлы Татарстан Республикасы законы проекты турында (I укылыш).

9. «Оешмалар мөлкәтенә салым турында» Татарстан Республикасы Законының 3 һәм 5 статьяларына үзгәрешләр кертү хакында» 159-7 номерлы Татарстан Республикасы законы проекты турында (I укылыш).

10. «Татарстан Республикасы Хисап палатасы турында» Татарстан Республикасы Законына үзгәрешләр кертү хакында» 162-7 номерлы Татарстан Республикасы законы проекты турында (I укылыш).

11. «Татарстан Республикасы дәүләт граждан хезмәте турында» Татарстан Республикасы Законының 17 һәм 171  статьяларына һәм Муниципаль хезмәт турында Татарстан Республикасы кодексының 18 һәм 19 статьяларына үзгәрешләр кертү хакында» 157-7 номерлы Татарстан Республикасы законы проекты турында (I укылыш).

12. «Татарстан Республикасы Нурлат районы Покровский поселогын бетерү турында һәм «Нурлат муниципаль районы» муниципаль берәмлегенең һәм аның составындагы муниципаль берәмлекләрнең территорияләре чикләрен билгеләү һәм аларның статусы турында» Татарстан Республикасы Законына үзгәрешләр кертү хакында» 161-7 номерлы Татарстан Республикасы законы проекты турында (I укылыш).

13. «Татарстан Республикасы дәүләт мөлкәтен хосусыйлаштыру турында» Татарстан Республикасы Законының 2 һәм 61 статьяларына үзгәрешләр кертү хакында» 150-7 номерлы Татарстан Республикасы законы проекты турында (I укылыш).

14. «Татарстан Республикасында автомобиль транспортында һәм шәһәр җир өсте электр транспортында даими рәвештә пассажирлар йөртүне һәм багаж ташуны оештыруның аерым мәсьәләләре турында» Татарстан Республикасы Законына үзгәрешләр кертү хакында» 153-7 номерлы Татарстан Республикасы законы проекты  турында (I укылыш).

15. «Татарстан Республикасында җиңел таксида пассажирлар йөртүне һәм багаж ташуны оештыру турында» Татарстан Республикасы Законының 3 статьясына үзгәреш кертү хакында» 154-7 номерлы Татарстан Республикасы законы проекты турында (I укылыш).

16. «Татарстан Республикасы Җир кодексының 8 статьясына үзгәреш кертү турында» 158-7 номерлы Татарстан Республикасы законы проекты хакында (I укылыш).

17. «Татарстан Республикасында урманнардан файдалану турында» Татарстан Республикасы Законының 3 статьясына үзгәреш кертү хакында» 160-7 номерлы Татарстан Республикасы законы проекты турында (I укылыш).

18. «Татарстан Республикасында гражданнарның сәламәтлеген саклау өлкәсендәге аерым мәсьәләләрне җайга салу турында» Татарстан Республикасы Законының 4 һәм 5 статьяларына үзгәрешләр кертү хакында» 152-7 номерлы Татарстан Республикасы законы проекты турында (I укылыш).

19. «Инвалидларны эшкә алу өчен эш урыннарын квоталау һәм инвалидларны, социаль яклауга аеруча мохтаҗ гражданнарны эшкә урнаштыру өчен аерым эш төрләрен (һөнәрләрне) резервлау хакында» Татарстан Республикасы Законының 3 статьясына үзгәрешләр кертү турында» 151-7 номерлы Татарстан Республикасы законы проекты хакында (I укылыш).

20. Татарстан Республикасы Хисап палатасына йөкләмә турында.

21. «Җирләрне яисә җир кишәрлекләрен бер категориядән икенче категориягә күчерү турында» Федераль законның 3 статьясына үзгәрешләр кертү хакында» 1115068-8 номерлы федераль закон проекты турында (авыл хуҗалыгы билгеләнешендәге җирләрне яисә мондый җирләр составындагы җир кишәрлекләрен башка категориягә күчерү процедурасын камилләштерү максатларында).

22. «Россия Федерациясендә туристлык эшчәнлеге нигезләре турында» Федераль законга үзгәрешләр кертү хакында» 1087937-8 номерлы федераль закон проекты турында (урнашу урыннарында хезмәтләр күрсәтүне хокукый җайга салуны камилләштерү хакында).

23. «Россия Федерациясендә туристлык эшчәнлеге нигезләре турында» Федераль законга һәм Россия Федерациясенең аерым закон актларына үзгәрешләр кертү хакында» 1102492-8 номерлы федераль закон проекты турында (экскурсоводлар (гидлар) һәм тәрҗемәче гидлар эшчәнлеген һәм туристлык индустриясе өлкәсендә дәүләт контролен (күзәтчелеген) хокукый җайга салуны камилләштерү хакында).

24. «Россия Федерациясендә мәгариф турында» Федераль законның 17 һәм 34 статьяларына үзгәрешләр кертү хакында» 1087178-8 номерлы федераль закон проекты турында (гаиләдә белем алу рәвешендә белем алучы балаларга арадаш аттестацияне һәм дәүләт йомгаклау аттестациясен үтүнең мәҗбүри булуын билгеләү өлешендә).

25. «Административ хокук бозулар турында Россия Федерациясе кодексына үзгәрешләр кертү хакында» 1068218-8 номерлы федераль закон проекты турында (хәтәр уеннар рекламасына карата таләпләрне бозган өчен административ җаваплылыкны көчәйтү өлешендә).

26. «Россия Федерациясе Салым кодексының икенче өлешендәге
33328 статьясының 1 пунктындагы 7 пунктчасының үз көчен югалтуын тану турында» 1136782-8 номерлы федераль закон проекты хакында (чит ил паспорты бланкларыннан балалар турында язмаларны планлаштырылган төшереп калдыруга бәйле рәвештә Россия Федерациясе территориясеннән читтә Россия Федерациясе гражданы шәхесен таныклый торган паспортка үзгәрешләр керткән өчен дәүләт пошлинасын бетерү өлешендә).

27. Хөкүмәт сәгате: «2025 елда Татарстан Республикасында партнерлык финанславы экспериментын гамәлгә ашыру нәтиҗәләре. 2026 елга планнар һәм бурычлар».

28. Төрлесеннән.

Утырыш эшендә Татарстан Республикасы Рәисе Рөстәм Миңнеханов, республика Премьер-министры Алексей Песошин, РФ сенаторлары һәм Дәүләт Думасы депутатлары, Хөкүмәт әгъзалары, профильле министрлыклар һәм ведомстволар, муниципаль берәмлекләр җитәкчеләре катнаша. Утырышны Дәүләт Советы Рәисе Фәрит Мөхәммәтшин алып бара.

Дәүләт Советы сайтында, RuTube видеохостингында, парламентның «Вконтакте» һәм «Одноклассники» социаль челтәрләрендәге рәсми аккаунтларында утырыш турыдан-туры трансляцияләнә.