Бүген Дәүләт Советында парламент Аппараты беренчел профсоюз оешмасының еллык хисап конференциясе узды, анда 2025 елга нәтиҗәләр ясалды. Конференция эшендә Дәүләт Советы Секретаре Лилия Маврина, парламент депутатлары Алексей Созинов, Андрей Егоров, Ольга Воронова һәм Камил Ногаев катнашты. Утырышны профсоюз оешмасы рәисе, Дәүләт Советы Аппаратының Эшләр идарәчесе Булат Хәсәнов үткәрде.

Булат Хәсәнов үзенең хисап докладында профсоюз оешмасының узган елгы эшчәнлеген җентекләп яктыртты. Ул билгеләп үткәнчә, 2025 елда профсоюз әгъзаларын социаль яклау, матди ярдәм күрсәтү, хезмәткәрләрне савыктыру мәсьәләләренә багышланган иде. «Әлбәттә, иң мөһиме – профсоюз әгъзаларына социаль ярдәм», – дип билгеләп үтте Булат Хәсәнов.

Профсоюз оешмасы рәисе Аппарат хезмәткәрләре ярдәмендә гамәлгә ашырыла торган социаль проектлар турында аерым сөйләде. «Бөек Ватан сугышында Җиңүнең 80 еллыгы һәм Татарстанда игълан ителгән Ватанны саклаучылар елы кысаларында профсоюз әгъзалары бер көнлек хезмәт хакын ветераннар җирләнгән урыннарны реставрацияләүгә күчерделәр», – диде Булат Хәсәнов.

Дәүләт Советы Секретаре Лилия Маврина үз чыгышында профсоюз оешмасының парламент аппараты эшенең нәтиҗәлелеген күтәрүгә керткән өлешен билгеләп үтте. «Профсоюз оешмасында иң мөһиме  – һәр хезмәткәргә ярдәм итү»,  – диде Лилия Маврина.

Лилия Маврина Аппарат хезмәткәрләренә махсус хәрби операциядә катнашучыларга һәм илнең яңа территорияләрендә яшәүчеләргә гуманитар ярдәм җыюда актив катнашулары өчен рәхмәт белдерде. «Сугышчыларыбыз соравы буенча әйберләр алу өчен керткән өлешегез өчен барыгызга да рәхмәт. 12 февральдә парламентта махсус хәрби операциядә катнашучылар белән очрашу узды, алар шулай ук ярдәмнәр өчен рәхмәт белдерделәр, – дип билгеләп үтте Лилия Маврина. – Без Ватаныбызны саклаучыларга ярдәм итәргә тиеш"»

Конференция профсоюз оешмасының аеруча актив әгъзаларын бүләкләү тантанасы белән тәмамланды.