Бүген Дәүләт Советында «Татарстан - яңа гасыр» депутатлар төркеме җыелышы булды, анда парламентарийлар депутатлар төркеменең 2026 елның беренче яртыеллыгындагы эшенә йомгак ясадылар. Утырышны “ТЯГ” депутат төркеме җитәкчесе Артур Габделҗанов үткәрде.

23 июньдә Халыклар дуслыгы йортында узган «Татарстан - Яңа гасыр» республика иҗтимагый хәрәкәте Югары Советының «Ватанны саклаучылар, шулай ук Татарстан Республикасы үсешенә өлеш керткән күренекле шәхесләр истәлеген мәңгеләштерү» темасына уздырылган киңәйтелгән утырыш  нәтиҗәләре турында хәрәкәтнең башкарма комитеты рәисе Алсу Тарханова сөйләде. Чара Бөек Ватан сугышында Җиңүнең 81 еллыгына, Россия халыклары бердәмлеге елына һәм Татарстан Республикасында Хәрби батырлык һәм хезмәт фидакарьлеге елына багышланган иде.  Билгеләп үтелгәнчә, республикада күренекле шәхесләр истәлеген мәңгеләштерү буенча ведомствоара комиссия эшли. Тугыз ел эчендә Татарстанда 13 һәйкәл, 29 бюст һәм 102 мемориаль такта урнаштырылган. «ТЯГ» депутатлар төркеме җитәкчесе Артур Габделҗанов, фикер алышуга йомгак ясап, истәлекле билгеләр кую буенча чараларны оештырудагы проблемаларны билгеләде, бу процессның озак вакытка сузылуын билгеләп үтте.

2026 елның беренче яртыеллыгында «ТЯГ» депутатлар төркеме тарафыннан 4 җыелыш үткәрелгән, барлыгы 8 мәсьәлә каралган. КАМАЗ  ГАҖ визит-үзәге мәйданчыгында депутатлар республиканың сәнәгать предприятиеләрендә студентларның җитештерү отрядлары эше өчен шартлар тудыру мәсьәләсе буенча фикер алышканнар. Казан дары заводы базасында СВО ветераннары өчен махсус эш урыннары булдыру темасы буенча фикер алышканнар.  Депутатлар СВО ветераннарын эшкә урнаштыру мәсьәләсенә индивидуаль якын килергә киңәш итте.

Утырышта шулай ук 2026 елның икенче яртыеллыгына «ТЯГ» депутатлар төркеме әгъзаларының гражданнарны кабул итү графигы турында фикер алыштылар. Беренче яртыеллыкта берләшмә депутатларына гражданнарны кабул итү кысаларында 72 татарстанлы шәхсән мөрәҗәгать иткән, барлыгы 223 мөрәҗәгать каралган.