Республикасы Сайлау кодексына үзгәрешләр кертелә

26 ноябрь 2020 ел., пәнҗешәмбе 12:05

Бүген Дәүләт Советы утырышында ТР Үзәк сайлау комиссиясе рәисе Андрей Кондратьев «Татарстан Республикасы Сайлау кодексына һәм Татарстан Республикасының аерым закон актларына үзгәрешләр кертү турында»  закон проектын тәкъдим итте. Андрей Кондратьев билгеләп үткәнчә, ул федераль законнарга туры китерү максатларында эшләнгән.

Закон проекты белән сайлау кодексында яңа статья карарга тәкъдим ителә. "Бу сайлауларда һәм референдумнарда тавыш бирүне берничә көн рәттән уздыру мөмкинлеген булдыруга кагылышлы. Карарны сайлауларны оештыручы сайлау комиссиясе кабул итә. Һәм барысы да карар кабул ителгән вакытта килеп туган эпидемиологик вәзгыятькә бәйле булачак ", - диде Андрей Кондратьев.

Закон проектында югары әзерлек режимын керткәндә һәм гадәттән тыш хәл кертелгәндә сайлауларда һәм референдумда тавыш бирү кичектерелергә мөмкин, дип исәпкә алына. Моннан тыш, закон проекты урта авырлыктагы җинаятьләр өчен элек хөкем ителгән кандидатлар өчен теләсә нинди сайланулы вазыйфаларга тавышка куелуны тыю кертелә. Сүз балигъ булмаганнарны җинаятькә җәлеп итү һәм аларны үз-үзен үтерүгә этәрү, кешене урлау, сайлау хокукларын гамәлгә ашыруга һәм сайлау комиссияләре эшенә комачаулау, сайлау документларын һәм тавыш бирү йомгакларын фальсификацияләү, сайлау бюллетеньнәре белән законсыз гамәлләр турында бара.

Дәүләт һәм муниципаль хезмәтләрнең бердәм порталы аша тавыш бирү бинасыннан читтә тавыш бирү турында гариза бирү мөмкинлеге каралган. «Без бу системаны сынап карадык инде, ул үзенең нәтиҗәлелеген күрсәтте», - дип басым ясады Андрей Кондратьев. Сайлаучы тавыш бирү бинасыннан читтә тавыш бирергә мөмкин булган нигезләмәләрнең исемлеге киңәйтелгән.

ТР Үзәк сайлау комиссиясе рәисе билгеләп үткәнчә, дәүләт хакимияте һәм җирле үзидарә органнарына сайлаулар уздырганда сайлаучылар өчен дистанцион электрон тавыш бирү юлы белән тавыш бирү мөмкинлеге каралырга мөмкин.

Документта шулай ук күзәтүчеләргә таләпләр, кандидатны теркәүдән баш тарту өчен нигезләр төгәлләштерелә.

Закон проекты турында фикер алышуда депутатлар Артем Прокофьев, Эдуард Шәрәфиев, Александр Комисаров, Александр Тыгин, Артур Абдульзянов, Геннадий Глушков, Айрат Зарипов, Фадбир Сафин, Азат Хамаев, Алсу Тарханова катнашты, алар тавыш бирү көннәре саны буенча сораулар бирделәр, сайлау участогыннан тыш тавыш бирү процедурасы, гражданнарның сайлау хокукы гарантияләрен тәэмин итү, вокзалларда һәм аэропортларда сайлау участокларын оештыру шартлары, мәктәпләрдә уку процессын оештыруга, булачак сайлауларны уздыру сроклары, партияләрнең сайлау комиссияләрендә һәм сайлау комиссияләрендә катнашуы турында сораулар бирделәр.

Депутатларның барлык сорауларына ТР Үзәк сайлау комиссиясе рәисе тулы җаваплар бирде.

Профильле комитет карары белән Дәүләт корылышы һәм җирле үзидарә комитеты депутаты Римма Ратникова таныштырды, ул тәкъдим ителгән закон проектын хупларга тәкъдим итте.

Сайлау кодексына аерым үзгәрешләрне тәнкыйтьләп чыгыш ясаган КПРФ фракциясе җитәкчесе Хафиз Миргалимов, тәкъдим ителгән закон проектын концептуаль яклаулары турында белдерде.

Дәүләт Советы Рәисе Фәрит Мөхәммәтшин, закон проекты буенча фикер алышуга нәтиҗә ясап, сайлау кануннарына үзгәрешләр кертү вакыт белән бәйле, дип билгеләде. "Без барыбыз да сайлау процессының тотрыклылыгы өчен, - диде ул. - Әмма коронавирус таралу куркынычы белән бәйле вәзгыять сайлауларны оештыру тәртибенә үзгәрешләр кертүне һәм сайлау законнарын камилләштерүне таләп итә. Сайлаучыларның иминлеген һәм сайлауларның легитимлыгын тәэмин итү өчен барысын да эшләргә кирәк. Депутатларның тәкъдим ителгән закон проектына икенче укылышта каралганчы төзәтмәләр кертү мөмкинлеге бар".

Профильле комитет тәкъдимен исәпкә алып, Дәүләт Советы закон проектын беренче укылышта кабул итте.

 

Сайттагы барлык материаллар лицензия буенча тәкъдим ителә:
Creative Commons Attribution 4.0 International