Бүген Дәүләт Советының Мактаулы Рәисе, Татарстан халыклары Ассамблеясе Рәисе Фәрит Мөхәммәтшин эш сәфәре белән Түбән Кама районына барды, анда «күпмилләтле Татарстан Геройлары» күчмә күргәзмәсен ачуда катнашты, шулай ук туган телләрдә укытыла торган мәгариф учреждениеләренең эшчәнлеге белән танышты. Шулай ук аның катнашында, районның милли-мәдәни автономияләре активы белән очрашу булды.

Татарстаннан Луганск һәм Донецк Халык Республикаларына чираттагы гуманитар йөк илтеп тапшырылды.  Бу ярдәмне махсус хәрби операция зонасына Экология, табигатьтән файдалану, агросәнәгать һәм азык-төлек сәясәте комитеты рәисе Азат Хамаев, Минзәлә районы башлыгы Айдар Сәлахов һәм район хакимияте вәкилләре озата барды.

Татарстанда республиканың мелиорация комплексын үстерүгә зур игътибар бирелә. Бу хакта бүген Санкт-Петербургның Таврический сараенда узган Россия Закон чыгаручылар Советы утырышы кысаларында «Дума-ТВ» телеканалына биргән интервьюсында Дәүләт Советы Рәисе вазыйфаларын башкаручы Марат Әхмәтов белдерде.

Татарстан - авыл хуҗалыгы тармагы күрсәткечләре, шул исәптән фермерлык хәрәкәте үсеше буенча Россиядә алдынгы регионнарның берсе. Узган ел йомгаклары буенча авыл хуҗалыгы продукциясе күләме беренче мәртәбә 400 млрд сумнан артып китте. Бу хакта Дәүләт Советы Рәисе вазыйфаларын башкаручы Марат Әхмәтов Санкт-Петербургта «Вместе-РФ» телеканалына биргән интервьюсында әйтте. Исегезгә төшерәбез, Марат Әхмәтов эш сәфәре белән Санкт-Петербургта, анда ул Россия Закон чыгаручылар Советы утырышында катнаша.