Яңалыклар

Бүген  «Татарстан – Яңа гасыр» депутатлар берләшмәсе утырышы узды, анда депутатлар яшь галимнәргә ярдәм итү һәм алтынчы чакырылыш парламенты эшчәнлеге чорында берләшмәнең эшчәнлеге турында йомгаклау мәгълүматларын әзерләү мәсьәләләре буенча фикер алыштылар.

Бүген сәгать унда алтынчы чакырылыш Дәүләт Советының илле дүртенче утырышы ачылды. Президиум депутатлар каравына  29 мәсьәлә тәкъдим иткән иде, шул исәптән 16 республика законы проектын һәм 5 Федераль закон проекты.

Бүген Дәүләт Советында КПРФ фракциясе утырышы узды, анда депутатлар Дәүләт Советының илле дүртенче утырышының көн тәртибен һәм депутатлар берләшмәсенең агымдагы эшчәнлеге мәсьәләләрен тикшерделәр.

Бүген бөтен республика буенча рус теле көненә һәм бөек рус шагыйре, хәзерге рус әдәби теленә нигез салучы Александр Пушкинның тууына 225 ел тулуга багышланган тантаналы чаралар уза. Казанда юбилей чаралары иртә таңнан Муса Җәлил исемендәге опера һәм балет театры янында башланды, анда Татарстан Республикасы Дәүләт Киңәшчесе Минтимер Шәймиев һәм Дәүләт Советы Рәисе Фәрит Мөхәммәтшин шагыйрь һәйкәленә чәчәкләр салдылар.

Бүген Казанда Арча зиратында Дәүләт Советы Рәисе урынбасары Юрий Камалтынов, депутатлар Леонид Якунин, Камил Нугаев, Александр Чубаров, Людмила Рыбакова, Светлана Вострикова һәм парламент Аппараты хезмәткәрләре элекке елларда ТАССР Верховный Советы һәм ТР Дәүләт Советы җитәкчеләре булган кешеләрне хөрмәт белән искә алдылар.

Дәүләт Советы Рәисе Фәрит Мөхәммәтшин бүген Самарада узган Идел буе федераль округы субъектларының дәүләт хакимияте Закон чыгару органнары ассоциациясе утырышында катнашты. Парламентарийлар Идел буе төбәкләре территориясендә инновацион эшчәнлеккә ярдәм итү чаралары, шулай ук җирле әһәмияттәге мәсьәләләрне хәл иткәндә хакимият органнарының халык һәм гражданлык җәмгыяте институтлары белән үзара хезмәттәшлеге турында фикер алыштылар.

3 – 4 июнь көннәрендә Самара өлкәсендә Идел буе федераль округы субъектларының дәүләт хакимияте Закон чыгару органнары ассоциациясенең 72 нче утырышы уза, аның эшендә Дәүләт Советы Рәисе Фәрит Мөхәммәтшин катнаша. Гадәттәгечә, Идел буе закон чыгаручыларының чираттагы очрашулар сериясен яшь парламентарийлар ачты. Бүген Самарада узган Идел буе федераль округы төбәкләре закон чыгару җыеннары каршындагы Яшьләр парламентлары ассоциациясе утырышында авыл җирлегендә эшләүче яшь белгечләргә ярдәм чараларын камилләштерү, шулай ук инновацион эшчәнлекне үстерү һәм илнең технологик суверенитетын тәэмин итү мәсьәләләре тикшерелде.

Бүген, Халыкара балаларны яклау көнендә, Дәүләт Советында «Мәктәп укучылары өчен мәдәният» мәдәни-мәгариф проекты активистларын бүләкләү тантанасы узды. Җиңүчеләрнең дипломнарын мәктәп укучыларына Мәгариф, мәдәният, фән һәм милли мәсьәләләр комитеты рәисе урынбасары Людмила Рыбакова тапшырды.

Бүген Татарстан Халыклар дуслыгы йортында РФ Федераль Собраниесе Дәүләт Думасында «Бердәм Россия» фракциясе җитәкчесе, Россия халыклары ассамблеясе рәисе Владимир Васильевның Татарстан халыклары ассамблеясе милли-мәдәни берләшмәләре лидерлары белән очрашуында милли һәм миграция сәясәтен гамәлгә ашыру, мәдәниятне һәм традицияләрне, республикада яшәүче халыкларның туган телләрен саклау һәм үстерү мәсьәләләре турында фикер алыштылар. Очрашуда Дәүләт Советы Рәисе, Татарстан халыклары ассамблеясе рәисе Фәрит Мөхәммәтшин һәм Татарстан Республикасы Рәисе Администрациясе җитәкчесе Әсгать Сәфәров катнашты.

Дәүләт Советы Рәисе, Татарстан халыклары Ассамблеясе Рәисе Фәрит Мөхәммәтшин РФ ФС Дәүләт Думасында «Бердәм Россия» фракциясе җитәкчесе, Россия халыклары ассамблеясе рәисе Владимир Васильев белән очрашты. Бүген республика парламентында узган очрашуда милли һәм миграция сәясәтен гамәлгә ашыру, республикада яшәүче халыкларның мәдәниятен, гореф-гадәтләрен һәм йолаларын саклау һәм үстерү буенча Татарстан халыклары Ассамблеясе эшчәнлеге хакында сөйләштеләр.