Яңалыклар

Бүген Дәүләт Советында Законлылык һәм хокук тәртибе комитеты һәм комитет каршындагы Эксперт советының уртак утырышы булды, анда депутатларга түләүсез юридик ярдәм күрсәтү турында республика законын мониторинглау нәтиҗәләре тәкъдим ителде, шулай ук җәмәгать судьясы итеп сайлау өчен кандидатуралар каралды. Утырышта ТР Дәүләт Советы Рәисе урынбасары Юрий Камалтынов һәм Татарстан Рәисе ярдәмчесе, ТР Рәисенең Дәүләт Советындагы тулы вәкаләтле вәкиле Александр Терентьев катнашты.

Бүген Казанның Совет районында, «Весна» торак комплексында  20 нче шәһәр поликлиникасының яңа бинасын ачу тантанасы булды. Чарада Татарстан Рәисе Рөстәм Миңнеханов, РФ ФС Дәүләт Думасы депутаты Айрат Фәррахов, Дәүләт Советы Секретаре Лилия Маврина, Дәүләт Советының Социаль сәясәт комитеты рәисе Алексей Созинов, ТР сәламәтлек саклау министры Альмир Абашев катнашты.

Татарстан Дәүләт Советы Рәисе, Россия Закон чыгаручылар советы Президиумы әгъзасы, Халыкара хезмәттәшлек проблемалары буенча комиссия рәисе Фәрит Мөхәммәтшин бүген Мәскәүдә Союзлар Йортының Колонналар залында узган Россия Закон чыгаручылар советы утырышында катнашты.

Бүген Дәүләт Советында Икътисад, инвестицияләр һәм эшмәкәрлек комитеты утырышы узды, анда комитет рәисе Рәгать Хөсәенов кече һәм урта эшмәкәрлекне үстерү турындагы республика законын мониторинглау нәтиҗәләре турында мәгълүмат бирде. Моннан тыш, утырышта Татарстан территориясендә алкогольсез тонус күтәрә торган эчемлекләр сатуны тыю һәм чикләү турындагы закон проекты каралды.

Дәүләт Советы рәисе, Россия Закон чыгаручылар советының Халыкара хезмәттәшлек проблемалары буенча комиссиясе рәисе Фәрит Мөхәммәтшин эш сәфәре белән Мәскәүдә. Бүген республика парламенты башлыгы Халыкара хезмәттәшлек проблемалары буенча үзе җитәкләгән комиссия утырышын уздырды. Парламентарийлар бу эштә төбәкләрдә тупланган ведомствоара хезмәттәшлек тәҗрибәсен өйрәнде, федераль законнарны камилләштерү мөмкинлекләре турында фикер алышты.

Бүген Мәскәүдә, РФ ФС Дәүләт Думасында Татарстан Республикасы Дәүләт Советының Донецк Халык Республикасы Халык Советы белән Парламентара хезмәттәшлек турындагы килешүгә кул кую тантанасы булды. Документка төбәк парламентлары җитәкчеләре Фәрит Мөхәммәтшин һәм Константин Кузьмин кул куйды. Бу Татарстан һәм ДХР парламентарийлары тарафыннан имзаланган беренче хезмәттәшлек турында килешү.

Бүген Дәүләт Советында социаль сәясәт комитеты утырышы узды, анда депутатлар аерым категория гражданнарга ярдәм итүгә юнәлдерелгән закон проектларын карады. Аерым алганда, профильле комитет әгъзалары СВОда катнашучыларга социаль ярдәм күрсәтүгә, гражданнарга социаль хезмәт күрсәтү өлкәсендәге аерым мәсьәләләрне җайга салуга, шулай ук инвалидларны эшкә алу өчен эш урыннары булдыруга кагылышлы республика законнарына үзгәрешләр кертү турындагы закон проектлары буенча фикер алыштылар. Моннан тыш, опека һәм попечительлек оешмалары эшчәнлеген оештыру турындагы республика законын күзәтүгә йомгак ясалды.

Бүген ТР Тарифлар буенча Дәүләт комитетында Торак сәясәте һәм инфраструктура үсеше комитетының һәм комитет каршындагы Эксперт советының уртак күчмә утырышы булды, анда парламентарийлар Татарстанда тарифларны җайга салуны цифрлаштыру мәсьәләләре буенча фикер алыштылар. Комитет рәисе Андрей Егоров үткәргән утырышта Дәүләт Советы Рәисе урынбасары Юрий Камалтынов, РФ ФС Дәүләт Думасы депутаты Марат Нуриев, тармак министрлыклары һәм ведомстволары, республиканың идарәче компанияләре һәм предприятиеләре вәкилләре катнашты.

Илнең яңа регионнарын РФ хокукый, социаль һәм транспорт системасына интеграцияләү мәсьәләләре турында Россия Закон чыгаручылар Советы Президиумы утырышында фикер алыштылар, ул бүген Мәскәүдә Союзлар Йортының Колонналар залында узды. Моннан тыш, парламентарийлар укучыларның сәламәтлеген саклау мәсьәләләрен дә карадылар. Дәүләт Думасы Рәисе урынбасары Ирина Ярова һәм Федерация Советы Рәисенең беренче урынбасары Андрей Яцкин рәислегендә узган утырышта Татарстан Дәүләт Советы Рәисе Фәрит Мөхәммәтшин катнашты.

Дәүләт Советы Рәисе Фәрит Мөхәммәтшин Мәскәүдә Россия Закон чыгаручылар советы чараларында катнаша.