Яңалыклар

Бүген Дәүләт Советының унҗиденче утырышы алдыннан «Татарстан - Яңа гасыр»  депутатлар төркеме җыелышы узды, анда парламентарийлар 2025 елдагы эшчәнлеккә йомгак ясадылар, шулай ук 2026 елга эш планын расладылар.

Бүген Дәүләт Советы Рәисе, «Бердәм Россия» партиясенең Татарстан төбәк бүлеге Секретаре Фәрит Мөхәммәтшин төбәк иҗтимагый кабул итү бүлмәсендә гражданнарны кабул итте. Гражданнарның сораулары җиргә салым салуга, шулай ук махсус хәрби операциядә катнашучылар өчен чаралар оештыруда ярдәм итүгә кагылды.

Дәүләт Советы Рәисе, Татарстан Республикасы Волейбол федерациясе президенты Фәрит Мөхәммәтшин «Динамо-Ак Барс» хатын-кызлар волейбол клубы җитәкчелеге, тренерлары һәм уенчылары адресына команданың Россия Суперкубогында җиңүе уңаеннан котлау телеграммасы юллады. 

Дәүләт башлыгы Владимир Путин Дәүләт сәясәтенең өстенлекләрен раслады: гаилә, махсус хәрби операция, дәүләтебезнең суверенитеты. Бу хакта “Татар-информ”га ТР Дәүләт Советының Законлылык һәм хокук тәртибе комитеты рәисе урынбасары Ринат Фазылов белдерде.

Дәүләт Советы депутатларының сайлау округларында эше дәвам итә. Бу атнада парламентарийлар гражданнарны кабул иттеләр, республика муниципалитетларындагы социаль учреждениеләрдә булдылар, республика конкурсларында җиңүчеләрне бүләкләү тантанасында катнаштылар.

Бүген парламентта видеоэлемтә режимында Дәүләт Советы депутатлары һәм аларның ярдәмчеләре өчен семинар узды, аның кысаларында федераль һәм республика законнарындагы үзгәрешләр, эш алып бару һәм документлар алып бару мәсьәләләре, шулай ук медиа киңлектә парламентарийларның эше турында фикер алыштылар. Семинарны Дәүләт Советы Секретаре Лилия Маврина үткәрде.

Яшьләр һәм яшүсмерләр арасында тәмәкегә каршы пропаганданы көчәйтергә кирәк. Бу хакта ТР Дәүләт Советы депутаты, Законлылык һәм хокук тәртибе комитеты рәисе урынбасары, юридик фәннәр кандидаты Ринат Фазылов җәмәгать транспорты тукталышларында вейп һәм тәмәке сатуны тыю турындагы яңа законга аңлатма биреп хәбәр итте.

Бүген Дәүләт Советында Татарстан Республикасы Сәламәтлек саклау министрлыгы, Татарстан митрополиясе – Рус Православие чиркәвенең (Мәскәү патриархаты) Казан, Әлмәт, Чистай, Яр Чаллы епархияләре һәм Татарстан мөселманнары Диния нәзарәте арасында хезмәттәшлек турында генераль килешүгә имза салынды. Чарада Дәүләт Советы Рәисе Фәрит Мөхәммәтшин катнашты.

Бүген Дәүләт Советында КПРФ фракциясе матбугат конференциясе узды, анда фракция әгъзалары 2025 елдагы эшкә нәтиҗә ясадылар һәм 2026 елдагы эшчәнлек планы турында фикер алыштылар.  Журналистларның сорауларына фракция җитәкчесе Хафиз Миргалимов, депутатлар Фадбир Сафин, Александр Комисаров һәм Николай Атласов җавап бирделәр.

Бүген Дәүләт Советы бинасы каршындагы мәйданчыкта муниципаль берәмлекләр арасында республика смотр-конкурсында җиңүчеләргә яңа эш машиналары ачкычларын тапшыру тантанасы узды. Ачкычларны Татарстан Республикасы Рәисе Рөстәм Миңнеханов тапшырды. Чарада Дәүләт Советы Рәисе Фәрит Мөхәммәтшин катнашты.