ТР Дәүләт Советы Рәисе Фәрит Мөхәммәтшин Нурлат районында фатир ачкычларын тапшыру тантанасында катнашты һәм социаль әһәмияткә ия объектларның эше белән танышты. 

Бүген Волков урамындагы өч катлы йортта яңа фатирлардан ачкычлар алган 27 гаилә өчен көн аеруча истәлекле булды. Йорт нефть тармагы хезмәткәрләре өчен социаль ипотека программасы буенча төзелгән.

"Яңа фатирдан ачкычлар  алган мизгелләр Һәр гаилә өчен иң бәхетле минутлар дип уйлыйм, - диде Фәрит Мөхәммәтшин, - бүген Нурлатта уңай үзгәрешләр күп. Уңайлы тормыш өчен яңа шартлар тудырыла».

Парламент җитәкчесе нурлатлыларны өй туе белән котлады, барысына да сәламәтлек теләде.

Бүген Казанбаевлар гаиләсе дә күптән көтелгән фатир ачкычларын алды. Гаилә башлыгы Илья Андреевич "Нурлатнефть" нефть-газ табу идарәсендә эшли. Ир белән хатын беренче балаларын көтәләр. “Иң яхшы тәэсирләр, “Татнефть” компаниясе һәм республика Хөкүмәте ярдәмендә яңа йорттан фатир алуга сөенәбез, - дип уртаклашты үз хисләре белән Илья Казанбаев, - фатир бик яхшы, ремонт бик яхшы. Кухняга гарнитур куюга күченергә дә мөмкин".

Нурлат районы башлыгы Алмаз Әхмәтшин да яңа фатир алучыларны бәйрәм белән котлады. «Өч ел элек монда кыр иде, - дип сөйләде ул, - бүген инде яңа микрорайон үсеп җитте, спорт комплексы һәм кибет тапшырылды, тиздән мәктәп һәм балалар бакчасы төзеләчәк. Бу югары инфраструктуралы яшьләр торак комплексы булачак ".

Бүген Фәрит Мөхәммәтшин «Киләчәк» балалар иҗат үзәгендә булды. Үзәктә тегү цехы, робот техникасы, металл һәм агач эшкәртү түгәрәкләре, чүлмәк ясау студиясе, хореография бүлеге, мультстудия, волонтерлык үзәге һәм яшь лидерлар мәктәбе эшли.

Парламент җитәкчесе педагоглар һәм балалар белән аралашты, аларга зур уңышлар теләде. Балалар, үз чиратларында, яңа проектлар турында сөйләделәр һәм үз эшләрен тәкъдим иттеләр. Мәсәлән, мультипликация студиясе укучылары Тукай әсәрләре мотивлары буенча мультфильм күрсәттеләр, аны мөстәкыйль рәвештә төшергәннәр. Мультстудиядә 8 мультфильм күрсәтүгә әзер.